ಕಂಡೆ ಕಮಲನಾಭನ ಕಣ್ಣಾರೆ ಪುಂಡರೀಕನ ಪಾಲನ ankita vijaya vittala

 ರಾಗ - : ತಾಳ - 

ಕಂಡೆ ಕಮಲನಾಭನ l ಕಣ್ಣಾರೆ l

ಪುಂಡರೀಕನ ಪಾಲನ l

ಪಂಢರಪುರ ವಾಸನ l

ಸಕಲ ಬೊಮ್ಮಾಂಡವ ಧರಿಸಿದನಾ ll ಪ ll

ಸುಲಭ ದೇವರ ದೇವ ನಾನಾ l ಪರಿ

ಮಳ ತುಳಸಿಗೆ ವಲಿವನ l

ಕಲಿಕಾಲ ಸಲಹುವನ l ಭವದ ಸಂ l

ಕಲೆ ಪರಿಹರಿಸುವನ ll 1 ll

ಲಿಂಗ ಸಂಗವನೀವನ l

ಜಗದಂತರಂಗ ಮೋಹನ ಕಾಯನ l

ಮಂಗಳ ದೇವೇಶನ l ಸಿರಿ ಪಾಂಡು l

ರಂಗ ನೆನೆಸಿಕೊಂಬನ ll 2 ll

ಜಗದಸ್ಮದ್ಭರಿತ ನಾನಾ l ವನದಿ

ಬಿಗಿದ ಪರಾಕ್ರಮನಾ l

ನಗವನೆತ್ತಿದ ಧೀರನಾ l ತನ್ನನು l

ಪೊಗಳಲು ಹಿಗ್ಗುವನಾ ll 3 ll

ಯಾದವ ಶಿರೋರನ್ನನ l ಕೊಳಲು

ಊದುವ ಚನ್ನಿಗನಾ l

ಆದಿ ಪರಮ ಪೂಂಸನ ಸರ್ವ l

ವೇದ ನಿಕರಮಯನಾ ll 4 ll

ಇಟ್ಟಿಗೆಯಲಿ ನಿಂದನ l ವರಂಗಳ

ಕೊಟ್ಟರೆ ತಪ್ಪದವನ l

ಅಟ್ಟಿ ಖಳನ ಕೊಂದನಾ l ವಿಜಯ l

ವಿಟ್ಠಲ ಜಗದೀಶನಾ ll 5 ll

***