ರಾಗ: ಬಿಲಹರಿ ತಾಳ: ತ್ರಿಪುಟ
ಮರೆತು ಬಾಳಲಿಬಹುದೆ ಗುರು ರಾಘವೇಂದ್ರರನು ಪ
ಅರಿತು ನೋಡೆಲೋ ಮನುಜ ಬರಿದೆ ಭ್ರಾಂತಿಯದೇಕೋ ಅ.ಪ
ಬೆಳಗೂಬೈಗೂ ಎಂದೂ ಅಳಿದು ಹೋಗೋದು ಕಾಯ
ಬಾಳನಾವೆಯು ಮುರಿದು ಹರಿದು ಹೋಗೋದು ಇರದೆ
ಕಾಳಮೃತ್ಯುವು ಬಿಡದೆ ಸೆಳೆದುಕೊಂಡೊಯ್ಯುವುದು
ಬಾಳಹಸನನುಗೈವ ಗುರುರಾಜರನು ಭಜಿಸೋ 1
ನಂಬದಿರು ಈ ಕಾಯ ಅಂಬುಮೇಲಿನ ಗುಳ್ಳೆ
ತುಂಬಿಬರಲುಕಾಲ ಇಂಬುತೋರುವರಿಲ್ಲ
ಹುಂಬತನವನು ಬಿಟ್ಟು ಅಂಬುಜಾಕ್ಷನಪಾದ
ಇಂಬುತೋರುವ ಗುರುವ ನಂಬಿ ಭಜಿಸೆಲೋ ಮನುಜ 2
ಹಳೆಯ ಅರಿವೆಯು ಇಡದೆ ಕಳೆದು ಬಿಸಡುವ ತೆರದಿ
ಅಳಿದುಹೋಗೋದು ಕಾಯ ತಿಳಿದು ನೋಡೆಲೋ ಮರುಳೆ
ಇಳೆಯೊಳು ಶ್ರೀಕೃಷ್ಣವಿಠಲನ ಚರಣವನು
ತಿಳಿದು ಭಜಿಸುತಲಿನ್ನು ಗುರುಕರುಣ ಪಡೆಯೋ 3
***
