ಎಷ್ಟು ಅಟ್ಟಲೆ ಕೊಡುವ ನೋಡಮ್ಮ ಏ ಗೋಪಿ ankita anantadreesha

ಎಷ್ಟು ಅಟ್ಟಲೆ ಕೊಡುವ ನೋಡಮ್ಮ ಏ
ಗೋಪಿ ನಿನ್ನ ಮಗ ಪ

ಎಷ್ಟು ಅಟ್ಟಲೆ ಕೊಡುವ ನಮಗೆ ದುಷ್ಟತನ
ಯಥೇಷ್ಟ ಮಾಡುವ
ಸ್ಪಷ್ಟನಾ ಇನ್ನೆಷ್ಟು ಹೇಳಿದರಷ್ಟು ಮಾಡುವ
ಈ ಕಳ್ಳ ಕೃಷ್ಣನು ಅ.ಪ

ಅಡಗಿ ಮನೆಯೊಳಡಗಿಕೊಂಡಿರುವ ಅಲ್ಲಿದ್ದ ಭಾಂಡಗಳ್
ಬುಡಮೇಲ್ ಮಾಡಿ ಅಡಕಲೇರಿಸುವಾ
ಅಡಿಗಳನು ಮೆಲ್ ನಿಡುತ ನೆಲವಿಲಿ
ಇಡುವ ಪಾಲ್ ಮೊಸರನೆಲ್ಲ ಸವಿಯುವ
ಗಡನೆ ಗೆಳೆಯರ ನೊಡನೆ ಬಂದು
ಕಡೆವ ಗಡಗಿಯ ನೊಡೆದು ಪೋಗುವಾ 1

ಸಿಕ್ಕಮನೆ ಮನೆ ಹೊಕ್ಕು ನೋಡುವನೆ ತಾ
ಸಿಕ್ಕದಿರನು ತಕ್ಕ ಕಳ್ಳಿವ ಠಕ್ಕನಾಗಿಹನು
ಅಕ್ಕ ಕೇಳೆÀ ಅಕ್ಕರದಿ ಕೈಯಿಕ್ಕಿ ಕಡೆದಿಹ
ಚೊಕ್ಕ ಬೆಣ್ಣೆಯ ಚಿಕ್ಕ ಬಾಲರಿಗಿಕ್ಕಿ ತಿನ್ನುವ
ಮಿಕ್ಕ ಬೆಣ್ಣೆಯ ಬೆಕ್ಕಿಗ್ಹಾಕುವ 2

ಎಂಥವನಿವ ಖಳರಂತೆ ಮಾಡುವನೆ ಬೇ
ಕಂತೆ ಕರುಗಳ ತಂತುಬಿಚ್ಚಿ ನಿಂತುನೋಡುವನೆ
ಅಂಥ ಇಂಥವನಲ್ಲ ನಿನ್ನ ಮಗ ಸಂತ ಜನಮನ
ದಂತರಂಗನು ಕಾಂತೆಯರು ಮನದಂತೆ ಬೈದರೆ
ನಿಂತು ನಗವಾನಂತಾದ್ರೀಶನು 3
*********