RSS song .
ಸಿಂಧು ಸಂಸ್ಕೃತಿಯಲ್ಲಿ ಸಿರಿಪರಂಪರೆಯಲ್ಲಿ
ಹಿಂದು ಹೆಸರಲಿ ನಾವು ಬಂದೆವಿಳೆಗೆ
ಸಂದಕಾಲವನಳೆದು ಇಂದು ಯಶ ಸಿದ್ಧಿಸಲು
ಬಂದಿಹುದು ಶುಭ ಸಮಯ ನಮ್ಮ ಬಳಿಗೆ ||ಪ||
ಒಡಕು ಶಂಖಧ್ವನಿಯ ಗುಡುಗು ನೂರ್ಮಡಿಗೊಂಡು
ಸಿಡಿಸಿಡಿದು ಸೀಳಾಗಿ ಸ್ವೀಕರಿಪ ಮೊದಲೇ
ಬಡವ ಅಂತ್ಯಜರೆಂಬ ತಡೆಗೋಡೆಗಳು ಬೆಳೆದು
ದುಡುಕಿ ವಿಷನಾಗಗಳು ಪೂತ್ಕರಿಪ ಮೊದಲೇ
ಹುಡುಕಿ ಓರ್ವೋರ್ವನನು ನಿಜ ವಿಕಾಸಕೆ ತರಲು ||೧||
ವಿಸ್ಮೃತಿಯ ಕರಿಮುಗಿಲು ಪ್ರಗತಿ ಪಥವನು ಕವಿದು
ಪಶ್ಚಿಮಕೆ ಸೋತವರನನುಸರಿಸದೇ
ಆತ್ಮರತಿಯಲಿ ಮುಳುಗಿ ಆರ್ತರನು ಕಡೆಗಣಿಸಿ
ಆತ್ಮದುತ್ಥಾನದಲೆ ಮನ ಸೋಲದೇ
ಲೋಕ ಕಲ್ಯಾಣದೆಲೆ ಸಾರ್ಥಕತೆ ಸೃಷ್ಟಿಸಲು ||೨||
ನಿಶೆಯ ವಿಭ್ರಮೆಯುಳಿಸಿ ಉಷೆಯ ಉದ್ಗಮಗೊಳಿಸಿ
ಹೊಸದಿಗಂತದಿ ಹಿಂದು ಪ್ರಜ್ಞೆ ಬೆಳಗೆ
ಅರುಣ ಕದಿರಾವರಿಸಿ ಧೀ ಪ್ರಚೋದನೆಗೊಳಿಸಿ
ಅರ್ಘ್ಯವನು ಕಾದಿರಲಮೃತ ಘಳಿಗೆ
ಧ್ಯೇಯ ಸಾಧನೆ ವ್ರತಕೆ ಮನದಿ ಸಂಕಲ್ಪಿಸಲು ||೩||
***
siMdhu saMskRutiyalli siriparaMpareyalli
hiMdu hesarali nAvu baMdeviLege
saMdakAlavanaLedu iMdu yaSa siddhisalu
baMdihudu SuBa samaya namma baLige ||pa||
oDaku SaMKadhvaniya guDugu nUrmaDigoMDu
siDisiDidu sILAgi svIkaripa modalE |
baDava aMtyajareMba taDegODegaLu beLedu
duDuki viShanAgagaLu pUtkaripa modalE
huDuki OrvOrvananu nija vikAsake taralu ||1||
vismRutiya karimugilu pragati pathavanu kavidu
paScimake sOtavarananusarisadE |
Atmaratiyali muLugi Artaranu kaDegaNisi
AtmadutthAnadale mana sOladE |
lOka kalyANadele sArthakate sRuShTisalu ||2||
niSeya viBrameyuLisi uSheya udgamagoLisi
hosadigaMtadi hiMdu praj~je beLage
aruNa kadirAvarisi dhI pracOdanegoLisi
arghyavanu kAdiralamRuta GaLige
dhyEya sAdhane vratake manadi saMkalpisalu ||3||
***
