ಗುರುಗಳ ಕರುಣವಿದು ಇರುಳು ಹಗಲು ಹರಿಸ್ಮರಣೆಯೊಳಿರುವದು ankita vasudeva vittala

..

kruti by ವ್ಯಾಸತತ್ವಜ್ಞ ತೀರ್ಥರು vyasatatwajna teertharu 

ಗುರುಸ್ತುತಿ

ಗುರುಗಳ ಕರುಣವಿದು

ಇರುಳು ಹಗಲು ಹರಿಸ್ಮರಣೆಯೊಳಿರುವದು ಪ

ಕಲಿಯುಗ ಒದಗಿತಲ್ಲ | ವಿಷಯದಿ

ಚಲಿಸಿತು ಮನವೆಲ್ಲ

ಇಳೆಯೊಳು ಹಿರಿಯರಿಲ್ಲ

ನೆರೆಜನ ಖಳರು ಸಜ್ಜನರಲ್ಲ 1

ವೇದ ಓದುಗಳಿಲ್ಲ ಸುಮ್ಮನೆ

ಕಾದಿ ಕಳೆವರು ಕಂಡ್ಹಾಗೆ

ಮೋದತೀರ್ಥರ ಮತ ಇದರೊಳು

ಓದಿ ಪೇಳುವರಿಲ್ಲ 2

ಮೋಸ ಪೋಗದ ಹಾಗೆ ಹರಿಪದ

ದಾಸ್ಯವ ಬಿಡದಾಗೆ

ವಾಸುದೇವವಿಠಲನ್ನೆ ಕರುಣದಿ

ವಾಸರ ಕಳೆಯುವನೋ | ನಮ್ಮ 3

***