ಶ್ರೀ ರಘುಪ್ರೇಮತೀರ್ಥರ ಸ್ಮರಣೆ bidi sanyasi sripadaraja mutt
ಶ್ರೀ ಲಕುಮೀಶಾಂಕಿತ ಶ್ರೀ ಕುರಡಿ ರಾಘವೇಂದ್ರಾಚಾರ್ಯರು
ಶ್ರೀ ರಘುಪ್ರೇಮ ಗುರುವರ್ಯರ ಪದ ।
ವಾರಿಜಗಳ ಭಜಿಸೋ ಸಂತತ ಸುಖಿಸೋ ।। ಪಲ್ಲವಿ ।।
ಆರರ ಬಾಧೆಗಳ್ದೂರೋಡಿಸಿ ಬಲು ।
ಘೋರ ದುರಿತಗಳ್ತರಿವಾ ಸುಖ ಈತ ಗರೆವಾ ।। ಅ ಪ ।।
ರಾಯಚೂಟಿಲಿ ಜನಿಸಿ ತ್ವರಿತದಿ ।
ತಾಯಿಹೀನ ನೆನಿಸಿ ।
ಮಾಯಗಾತಿ ಸಾಕು ತಾಯಿಯು ಗೋಳಿಡೆ ।।
ಕಾಯ ಕ್ಲೇಶ ಪಟ್ಟಾ ಹರಿ ಮೊರೆಯಿಟ್ಟಾ ।। ಚರಣ ।।
ವೆಂಕಟೇಶನೊರದಿ ಜನ್ಮತಾಳಿ ।
ವೆಂಕಟ ನಾಮದೀ ।
ಸಂಕಟ ನಾನಾ ಕಂಟಕದಲಿ । ವೈ ।
ಕುಂಠನ ಕೃಪೆ ಪಡೆದಾ ವ್ರತಧಾರಿಯಾದ ।। ಚರಣ ।।
ಸಕಲ ಕ್ಷೇತ್ರ ಚರಿಸೀ ತೀರ್ಥಾದೀ ।
ಬಕವೈರಿ ಶಾಸ್ತ್ರ ಗ್ರಹಿಸೀ ।
ಮುಕುತಿಯ ಶಾಶ್ವತ ಸುಖಕೇ ಸೇವಿಸೇ ।
ಅಖಿಲ ಜೀವೇಶನೊಲಿದಾ ಹಂಪೆಲಿ ನಲಿದಾ ।। ಚರಣ ।।
ಹತ್ತಿಬೆಳೆಗಲ್ಗೆ ಬಂದೂ ಅರಳೀಕಟ್ಟೀ ।
ಉತ್ತಮಾರ್ಯರಲಿ ನಿಂದೂ ।
ಭಕ್ತಿಲಿ ಇವರ ನಿತ್ಯವೂ ಸೇವಿಸೇ ।
ನಿತ್ಯ ತೃಪ್ತನೊಲಿದಾ ಯದುಗಿರಿಗೆ ಬಂದಾ ।। ಚರಣ ।।
ತೋಷದಿ ಪತ್ನಿಯ ಕೂಡೀ ಸಂತತ ।
ಭಾಸುರ ವ್ರತ ನೇಮ ಮಾಡಿ ।
ಭಾಸುರರಿಗೆ ದಿವ್ಯ ವಾಸಕೆ ಗೃಹ ವಸ್ತು ।
ರಾಶಿ ಸರ್ವಸ್ವ ನೀಡ್ದಾ ಹರಿಕೃಪೆ ಪಡೆದಾ ।। ಚರಣ ।।
ಆದವಾನಿಯಲ್ಲಿ ಸೀತಾರಾಮರ ।
ಮೋದದಿ ಸ್ಥಾಪಿಸಿಲ್ಲೀ ।
ಸಾಧುವರ್ಯ ರಘುದಾಂತತೀರ್ಥರಿಂದಾ ।
ಅದಕರೋದ್ಭವನೀತಾ ಮಳಖೇಡದೀತಾ ।। ಚರಣ ।।
ಸಕಲ ಸುಖವ ಗರೆವಾ ಇವರನು ನಂಬಲು ।
ಲಕುಮೀಶನೇ ಒಲಿವಾ ।
ಮುಕುತಿಯ ಪಥ ತೋರಿ ವಿಕಸಿತ ಮನವಿತ್ತು ।
ಯುಕುತಿ ಧ್ಯಾನವೀವ ಭಕುತರ ಪೊರೆವಾ ।। ಚರಣ ।।
****
ರಾಗ : ಹಂಸಾನಂದಿ ತಾಳ : ಆದಿ - raga in audio may differ
