ರಾಗ - : ತಾಳ -
ಬಿಟ್ಹ್ಯಾಗೆ ಇರಲಿನ್ನೀ ಚರಣ l ರಂಗ ll ಪ ll
ವಿಟ್ಠಲನಾ ಪುಟ್ಟ ಚರಣ
ಬಿಟ್ಟು ಗೋಕುಲ ಪುಂಡಲೀಕನಿಗೊಲಿಯುತ
ಇಟ್ಟಿಗೆ ಮೇಲ್ಹೊಂದಿ ನಿಂತಂಥ ಚರಣ ll ಅ ಪ ll
ಭಕ್ತರಿಗೊಲಿಯುವ ಚರಣ l ವೇದ
ಉಕ್ತಿಗೆ ನಿಲುಕದ ಚರಣ
ಹತ್ತಿ ಪಾರ್ಥನ ರಥ ಮತ್ತೆ ಭೀಷ್ಮನಿಗೊಲಿದು
ಹಸ್ತದಿ ಚಕ್ರವ ಪಿಡಿದು ಬಂದಾ ಚರಣ ll ೧ ll
ಬಲಿಯನ್ನು ತುಳಿದಂಥಾ ಚರಣ l ಮೂರು
ಇಳೆಯನಳೆದ ಪುಟ್ಟ ಚರಣ
ಕುಲಕೋಟಿ ಉದ್ಧಾರಗೈವಂಥ ಗಂಗೆಯ
ಚೆಲುವ ಉಂಗುಟದಲ್ಲಿ ಪಡೆದ ಕೋಮಲ ಚರಣ ll ೨ ll
ಹಸ್ತಿ ಕರೆಯೆ ಬಂದ ಚರಣ l ಲಕ್ಷ್ಮೀ
ವತ್ತುವೋ ಮೃದುತಳ ಚರಣ
ಚಿತ್ತದೆ ಚಿಂತಿಪ ಭಕ್ತರ ಮನದೈವ
ತೆತ್ತಿಗನಾಗಿ ಐವರ ಪೊರೆದಾ ಚರಣ ll ೩ ll
ಭೀಮ ತೀರಾ ವಾಸ ಚರಣ l ಭಕ್ತ
ರಾಮಯ ಹರಿಸುವ ಚರಣ
ಕಾಮಜನಕ ಪಾಂಡುರಂಗವಿಟ್ಠಲನೆಂದು
ಪ್ರೇಮದಿಂ ಭಜನೆಗೊಂಬುವ ಸ್ವಾಮಿ ಚರಣ ll ೪ ll
ಬಿಟ್ಟಿರಲಾರೆ ನೀ ಚರಣ l ಮನದಿ
ಕಟ್ಟಿ ಹಾಕುವೆ ನಾ ನೀ ಚರಣ
ದಿಟ್ಟ ಶ್ರೀ ಗೋಪಾಲಕೃಷ್ಣವಿಟ್ಠಲ ಚರಣ
ಇಟ್ಟು ಹೃತ್ಕಮಲದಿ ಪೂಜಿಪೆ ನೀ ಚರಣ ll ೫ ll
***
ಬಿಟ್ಹ್ಯಾಗೆ ಇರಲಿನ್ನೀ ಚರಣ | ರಂಗ ಪ.
ವಿಠ್ಠಲನಾ ಪುಟ್ಟ ಚರಣ
ಬಿಟ್ಟು ಗೋಕುಲ ಪುಂಡಲೀಕನಿಗೊಲಿಯುತ
ಇಟ್ಟಿಗೆ ಮೇಲ್ಹೊಂದಿ ನಿಂತಂಥ ಚರಣ ಅ.ಪ.
ಭಕ್ತರಿಗೊಲಿಯುವ ಚರಣಾ | ವೇದ
ಉಕ್ತಿಗೆ ನಿಲುಕದ ಚರಣಾ
ಹತ್ತಿ ಪಾರ್ಥನ ರಥ ಮತ್ತೆ ಭೀಷ್ಮನಿಗೊಲಿದು
ಹಸ್ತದಿ ಚಕ್ರವ ಪಿಡಿದು ಬಂದಾ ಚರಣ 1
ಬಲಿಯನ್ನು ತುಳಿದಂಥ ಚರಣಾ | ಮೂರು
ಇಳೆಯನಳೆದ ಪುಟ್ಟ ಚರಣ
ಕುಲಕೋಟಿ ಉದ್ಧಾರಗೈವಂಥ ಗಂಗೆಯ
ಚಲುವ ಉಂಗುಟದಲ್ಲಿ ಪಡೆದ ಕೋಮಲ ಚರಣ 2
ಹಸ್ತಿ ಕರೆಯೆ ಬಂದ ಚರಣಾ | ಲಕ್ಷ್ಮಿ
ವತ್ತುವೋ ಮೃದುತಳ ಚರಣಾ
ಚಿತ್ತದೆ ಚಿಂತಿಪ ಭಕ್ತರ ಮನದೈವ
ತೆತ್ತಿಗನಾಗಿ ಐವರ ಪೊರೆದಾ ಚರಣ3
ಭೀಮ ತೀರಾ ವಾಸ ಚರಣಾ | ಭಕ್ತ
ರಾಮಯ ಹರಿಸುವ ಚರಣಾ
ಕಾಮಜನಕ ಪಾಂಡುರಂಗವಿಠ್ಠಲನೆಂದು
ಪ್ರೇಮದಿಂ ಭಜನೆಗೊಂಬುವ ಸ್ವಾಮಿ ಚರಣಾ 4
ಬಿಟ್ಟಿರಲಾರೆ ನೀ ಚರಣ | ಮನದಿ
ಕಟ್ಟಿ ಹಾಕೂವೆ ನಾ ನೀ ಚರಣ
ದಿಟ್ಟ ಶ್ರೀ ಗೋಪಾಲಕೃಷ್ಣವಿಠ್ಠಲ ಚರಣ
ಇಟ್ಟು ಹೃತ್ಕಮಲದಿ ಪೂಜಿಪೆ ನೀ ಚರಣ 5
****
