ತೊರವೆಪುರನಿವಾಸ ನರಸಿಂಹ ನೀಹೊರೆಯೊ ankita prasannavenkata

by ಪ್ರಸನ್ನವೆಂಕಟದಾಸರು

ರಾಗ – : ತಾಳ –

ತೊರವೆಪುರನಿವಾಸ ನರಸಿಂಹ ನೀ 

ಹೊರೆಯೊ ಭಕ್ತರ ಭಯಗಜಸಿಂಹ 

ಅರಿವರಾರಯ್ಯ ನಿನ್ನ ಮಹಿಮೆಯ 

ಸರಸಿಜಭವ ಭವ ಸುರವರ ಅಹಿ ಕಿನ್ನರ

ವರ ಮುನಿವರ ನರವರವಂದ್ಯ ll ಪ ll

ಹಿರಣ್ಯಕನೆಂಬ ದೈತ್ಯ ಮಹೀತಳದಿ ವಿಧಿ

ಹರವರದಲಿ ಬಲುಸೊಕ್ಕಿ ಅಂದು 

ಪರಮ ಭಾಗವತ ಪ್ರಹ್ಲಾದನಿಗೆ

ಪರಿಪರಿದುರಿತವ ಮರಳಿ ಮರಳಿ ಭಯಂ

ಕರವನು ಚರಿಸಲು ನೆರೆಮೊರೆಯಿಡಲು ll 1 ll

ತರಳಗಂಜಿಸಿ ನಿನ್ನ ದೊರೆಯ ತೋರೊ ಎನಲು

ಸರವಭೂತ ಭರಿತಾನಂತನೀತ

ಅರಸಿದರೀ ಕಂಬದೊಳಿಹನೆನಲು 

ಮೊರೆ ಮೊರೆದೇಳುತ ಸರಸರನೊದೆಯಲು 

ಬೆರಬೆರ ದೋಷದಿ ವರನರಹರಿಯೆ ll 2 ll

ಚಿಟಿಲು ಚಿಟಿಲು ಭುಗಿಭುಗಿಲೆನುತ ಪ್ರ

ಕಟಿಸಿ ದೈತ್ಯನುದುರವನು ಸೀಳಿ

ತ್ರುಟಿಯೊಳು ಕರುಳಮಾಲೆಯ ಧರಿಸಿ

ಶಠನ ವಧಿಸಿ ನಿಜಭಟನ ಪೊರೆದ ಜಗ

ಜಠರ ಪ್ರಸನ್ನವೆಂಕಟ ನರಸಿಂಹ ll 3 ll

***

ತೊರವೆಪುರನಿವಾಸ ನರಸಿಂಹ ನೀಹೊರೆಯೊ ಭಕ್ತರ ಭಯಗಜಸಿಂಹಅರಿವರಾರಯ್ಯ ನಿನ್ನ ಮಹಿಮೆಯಸರಸಿಜಭವಭವಸುರವರಅಹಿಕಿನ್ನರವರಮುನಿವರ ನರವರವಂದ್ಯಪ.

ಹಿರಣ್ಯಕನೆಂಬ ದೈತ್ಯ ಮಹೀತಳದಿವಿಧಿಹರವರದಲಿ ಬಲುಸೊಕ್ಕಿ ಅಂದುಪರಮಭಾಗವತಪ್ರಹ್ಲಾದನಿಗೆಪರಿಪರಿದುರಿತವ ಮರಳಿ ಮರಳಿ ಭಯಂಕರವನು ಚರಿಸಲು ನೆರೆಮೊರೆಯಿಡಲು 1

ತರಳಗಂಜಿಸಿ ನಿನ್ನ ದೊರೆಯ ತೋರೊ ಎನಲುಸರವಭೂತ ಭರಿತಾನಂತನೀಗಅರಸಿದರೀ ಕಂಬದೊಳಿಹನೆನಲುಮೊರೆ ಮೊರೆದೇಳುತ ಸರಸರನೊದೆಯಲುಬೆರಬೆರ ದೋಷದಿ ವರನರಹರಿಯೆ 2

ಚಿಟಿಲು ಚಿಟಿಲು ಭುಗಿಭುಗಿಲೆನುತ ಪ್ರಕಟಿಸಿ ದೈತ್ಯನುದರವನು ಸೀಳಿತ್ರುಟಿಯೊಳು ಕರುಳಮಾಲೆಯ ಧರಿಸಿಶಠನ ವಧಿಸಿ ನಿಜಭಟನ ಪೊರೆದ ಜಗಜಠರಪ್ರಸನ್ನವೆಂಕಟ ನರಸಿಂಹ3
********