ಬೆನಕ ಬೆನಕ ಏಕದಂತ ಪಚ್ಚಕಲ್ಲು ಪಾಣಿಪೀಠ
ಮುತ್ತಿನುಂಡೆ ಹೊನ್ನಗಂಟೆ
ಒಪ್ಪುವಾ ಪುಟ್ಟಬೆಟ್ಟದಲಿ ತಂಬಿಟ್ಟು ಮುಕ್ಕುವ ಪುಟ್ಟ
ವಿಘ್ನೇಶ ದೇವರಿಗೆ ಇಪ್ಪತ್ತೊಂದು ನಮಸ್ಕಾರಗಳು.
ಬೆಳಗಾಯಿತು ಏಳೋ
ಏ ಮುದ್ದು ಬೆನಕಾ
ಭುವಿಯೆಲ್ಲಾ ರಂಗಾಯ್ತು
ನೀ ಏಳೋ ಬೆನಕಾ
||ಬೆಳಗಾಯಿತು||
ಅಂಬಾಪ್ರಿಯಾತನಯಾ
ಆದಿಪೂಜಿತನೇ
ಮೂಡಣದೆ ರವಿ ಎದ್ದ
ನೀ ಏಳೋ ಬೆನಕಾ
||ಬೆಳಗಾಯಿತು||
ಮಾಮರದಿ ಕೋಗಿಲೆಯು
ಪಚ್ಚವರ್ಣದ ಗಿಳಿಯು
ಸುಪ್ರಭಾತವ ನಿನಗೆ
ಹಾಡುತಿವೆ ಬೆನಕಾ
ಆ ನಿನ್ನ ಸುಂಡಿಲಿಯು
ನಿನ್ನ ಬರುವನು ಕಾದು
ಕಾಳುಗಳ ತಿನ್ನುತಲಿ
ಕುಳಿತಿಹುದು ಬೆನಕಾ
||ಬೆಳಗಾಯಿತು||
ಹುಲ್ಲುಗರಿಕೆಯು ದೂರ್ವೆ ಆದಿಕಾದಿಪುದು
ಪೂಜೆಯಲಿ ನಿನ್ನ ಅಲಂಕರಿಸಲೆಂದು
ನಾಗಲಿಂಗದ ಪುಷ್ಪ ಕಮಲಗಳು
ಕಾದಿಹವು ಗಣಪತಿಯ ಅರ್ಚನೆಗೆ ಸಿದ್ದವಾಗಿಹೆವೆಂದು
||ಬೆಳಗಾಯಿತು||
ನಿನಗಾಗಿ ಮಾಡಿಟ್ಟ ತಂಬಿಟ್ಟು
ಚಕ್ಕುಲಿ ಕಾಯುತಿವೆ ನಿನ್ನ
ಸ್ವೀಕಾರಕಾಗಿ ನಿನ್ನ ಪೂಜೆಯ
ಮಾಡೆ ಭಕ್ತಜನ ವೃಂದ
ಕಾದಿಹುದು ನಿನ್ನ ವರ ಭಿಕ್ಷೆಗಾಗಿ
||ಬೆಳಗಾಯಿತು||
********
********
