..
ಜಯವೆನ್ನಿ ಜನರೆಲ್ಲ ಸ್ವಾಮಿ
ಭವರೋಗವ್ಶೆದ್ಯಗೆ ಭಾವಜನಯ್ಯಗೆ
ಕುವಲಯಧರಸ್ವಾಮಿಗೆ ನಾರಾಯಣ ಪ.
ಆಗಮಚೋರನ ಗೆಲಿದ ರಾಮ
ಬೇಗನೆ ಸುರರಿಗೆ ಸುಧೆಯೆರೆದ ಕೃಷ್ಣ
ನಾಗಲೋಕವ ಹೊಕ್ಕವನ ಕೊಂದಾಗ ಶಿಶು
ಕೂಗೆ ಕಂಬದಿ ಬಂದಗೆ ನಾರಾಯಣ 1
ಭಾಗೀರಥಿಯ ಪಡೆದೆ ರಂಗ
ಬಾಗಿಸಿ ತಾಯ ಶಿರವ ಕಡಿದೆ ರಾಮ
ಯಾಗರಕ್ಷಕ ತುರುಗಾಯಿ ಲಜ್ಜೆಯ
ನೀಗಿದಶ್ವವಾಹಕಗೆ ನಾರಾಯಣ 2
ಜಲದೊಳಗಾಳ್ದನ ಸೀಳ್ದ ರಾಮ
ಅಲಸದೆ ಗಿರಿಯ ಬೆನ್ನಲಿ ತಾಳ್ದ ಕೃಷ್ಣ
ನೆಲನ ಕದ್ದೊಯ್ದಸುರನ ಮರ್ದಿಸಿದ ಶಿಶು-
ಗೊಲಿದು ಬಲಿಯ ತುಳಿದೆ ನಾರಾಯಣ 3
ಛಲಪದದಿ ರಾಯರ ಕಡಿದೆ ರಾಮ
ಬಲು ಬಿಲ್ಲನು ಕರದಲ್ಲಿ ಪಿಡಿದೆ ಕೃಷ್ಣ ಕೋ-
ಡುಳ್ಳವ ಕೋಪದ ಮುಖ ದೈನ್ಯದಿ
ಬೇಡುವೆ ಕೊಡಲಿಗಾರ ನಾರಾಯಣ 4
ರೂಢಿಯೊಳು ರಾಯರ ಗೆಲಿದ ರಾಮ
ಓಡಿ ಹೊಕ್ಕನೆ ದುರ್ಗದ ಜಲ ಕೃಷ್ಣ
ನೋಡೆ ನಾರಿಯರ ವ್ರತವಳಿದೆ ಹಯವದನ
ರೂಢರಾವುತನಾದ ನಾರಾಯಣ5
***
