ಕಂಡ ಕಂಡಲ್ಲಿ ಮನ ಪೋಗದಂತೆ ಮಾಡೋ ankita badarayana vittala

ಕಂಡ ಕಂಡಲ್ಲಿ ಮನ ಪೋಗದಂತೆ ಮಾಡೋ l

ಪುಂಡಲೀಕವರದ ಜಯಪಾಂಡುರಂಗ ll ಪ ll

ಚಕ್ಷುರಿಂದ್ರಿಯವು ನಿನ್ನ ನೋಡುತಲಿರಲಿ l

ಲಕ್ಷವಿರಲೆನ್ನಲ್ಲಿ ಜಿಷ್ಣು ಸಖನೆ l

ಪಕ್ಷಿವಾಹನ ನಿನ್ನ ನೋಡುತಲಿ ನೋಡುತಲಿ l

ಅಕ್ಷಯವಾಗಲಿ ಆನಂದ ಸಂತತ ll 1 ll

ಕಿವಿಯಿಂದ ನಿನ್ನ ಕಥೆ ಕೇಳುವಂತಾಗಲಿ l

ಸುವಿವೇಕಿಯನೆ ಮಾಡೋ ಧರಣೀರಮಣ l

ಭವವಿಮೋಚಕನು ನೀನೆಂದು ನಂಬಿದೆ ನಿನ್ನ l

ಅವಿವೇಕಿಗಳ ಸಂಗ ಬಿಡಿಸೋ ಸಜ್ಜನ ದೊರೆಯೇ ll 2 ll

ಅಲ್ಪಸುಖ ಸುಖವೆಂದು ಅನೇಕ ಸುಖ ಮರೆತೆನೋ l

ಕಲ್ಪಕಲ್ಪಗಳಲ್ಲಿ ನೀನೇ ರಕ್ಷಕನಹುದೋ l

ಸ್ವಲ್ಪವಾದರು ಮನವ ನಿನ್ನಲ್ಲಿ ಸೇರಿಸೊ l

ಮಲ್ಪೆಯಿಂದ ಬಂದ ಬಾದರಾಯಣವಿಟ್ಠಲಾ ll 3 ll

***