ಕುಮಾರ ಪಾಲಿಸೋ ನಿನ್ನ ಚಾರು ಚರಣಕೆ ನಾ ನಮಿಪೆ ಕೃಪಾಕರ ankita prasannashreenivasa

 ..

kruti by prasanna shreenivasaru ಪ್ರಸನ್ನ ಶ್ರೀನಿವಾಸದಾಸರು

ಕುಮಾರ ಪಾಲಿಸೋ ನಿನ್ನ ಚಾರು ಚರಣಕೆ ನಾ

ನಮಿಪೆ ಕೃಪಾಕರ ಪ

ಸುಂದರಾನನ ಸ್ಕಂಧ ಕಾಮಗೋ

ವಿಂದಸುತ ಸುಂದರಾಂಗ ಪ್ರದ್ಯುಮ್ನನೆ

ಇಂದಿರೇಶನ ದಯ ತಂದು ನೀ ಒದಗಯ್ಯ

ವಂದಿಪೆ ನಿನ್ನರವಿಂದ ಪಾದಕೆ ನಾ 1

ಸೂರ ಪದುಮಾದಿ ಅಸುರರೆಲ್ಲ ನೀ

ಮುರಿದು ಪೊರೆದೆಯೊ ಮೂರು ಜಗವ ಎನ್ನ

ಘೋರ ಬಾಧೆಗಳನ್ನು ತರಿದು ನೀ ಪೊರೆಯಯ್ಯ

ಧೀರ ಉದಾರನೆ ಸುರಸೇನಾಧಿಪ 2

ಸೋಮವದನ ಉಮೇಶಸುತ ಗುಹ

ಪ್ರೇಮದಯದಿ ಭ್ರಮಾಕಲುಷ ಕೀಳೊ

ಬೊಮ್ಮನ ತಾತ ಪ್ರಸನ್ನ ಶ್ರೀನಿವಾಸ

ವಾಮನ ಶ್ರೀಶನ ಪ್ರೇಮ ಸುಪಾತ್ರನೆ 3

***