ಎಂತು ಮರುಳಾದೆ ನಾನೆಂತು ಮರುಳಾದೆ ankita narahari

writer ನರಹರಿ ತೀರ್ಥರು

ರಾಗ : ಆನಂದಭೈರವಿ  ತಾಳ : ಆದಿ

ಎಂತು ಮರುಳಾದೆ ನಾನೆಂತು ಮರುಳಾದೆ  ||ಪ||

ಎಂತು ಮರುಳಾದೆ ಭವದೊಳು ಬಳಲಿದೆ

ಸಂತತ ಪೊರೆ ರಘುಕುಲತಿಲಕ    ||ಅ.ಪ||

ಮಾತಿನಲ್ಲಿ ಹರಿದಾಸನ

ನೀತಿಯಲ್ಲಿ ಪ್ರಭುದಾಸತನ

ಪ್ರೀತಿ ಧನಾದಿ ವಿಷಯದಲ್ಲಿ ನಿ

ರ್ಭೀತಿ ದೈವ ಗುರು ದ್ರೋಹದಲಿ    ||೧||

ಏಕಾಂತದಲ್ಲಿ ಧನದ ಗೋಷ್ಠಿ

ಲೋಕಾಂತದಿ ವೈರಾಗ್ಯದ ಗೋಷ್ಠಿ

ಶ್ರೀಕಾಂತನ ಸೇವೆಗೆ ಅನುಮಾನ

ಭೂಕಾಂತನ ಸೇವೆಗೆ ಸುಮ್ಮಾನ    ||೨||

ಧರ್ಮಕ್ಕೆ ಒಂದು ಕಾಸು ಆ

ಧರ್ಮಕ್ಕೆ ಸಾವಿರಾರು ಹೊನ್ನು

ಧರ್ಮ ಮಾಡಲು ಬೇಸರಿಕೆ ಆ

ಧರ್ಮಮಾಡಲು ಚಚ್ಚರಿಕೆ     ||೩||

ಡೊಂಬನಂತೆ ಬಯಲಿಗೆ ಹರಹಿ

ಡಂಭತನಕೆ ಕರ್ಮವ ಮಾಡಿ

ಅಂಬುಜನಾಭಗೆ ದೂರಾಗಿ

ಕುಂಭೀಪಾತಕಕೆ ಗುರಿಯಾದೆ     ||೪||

ಸತಿಯರ ಬೈದರೆ ನಾ ಬೈಯ್ವೆ

ಶ್ರೀಪತಿಯ ಬೈದರೆ

ಕೇಳುತ ನಗುವೆ

ಮತಿಗೆಟ್ಟು ವಿಷಯಲಂಪಟನಾಗಿ    ||೫||

ಯಾರಿಗಾಗಿ ಧಾವತಿ ಪಡುವೆ ಇ

ನ್ನಾರಿಗೆ ಒಡವೆಯ ಬಚ್ಚಿಡುವೆ

ನಾರಿ ಪುತ್ರ ಮಿತ್ರಾದಿಗಳು

ಯಾರೂ ಬಾರರೊ ಸಂಗಡದಿ    ||೬||

ಭಜಿಸು ಬ್ರಹ್ಮಾದಿ ವಂದಿತ ಹರಿಯ

ತ್ಯಜಿಸು ಕಾಮಾದಿ ದುರ್ವಿಷಯ

ಸುಜನವಂದಿತನಾದ ನರಹರಿಯ

ಭಜಿಸು ಶ್ರೀಶ ಶ್ರೀ ರಘುಪತಿಯ    ||೭||

*********

ಶ್ರೀನರಹರಿ ತೀರ್ಥರ  ಕೃತಿ

ಎಂತು ಮರುಳಾದೆ | ನಾ| ನೆಂತು ಮರುಳಾದೆ

ಎಂತು ಮರುಳಾದೆ | ಭವದೊಳು ಬಳಲಿದೆ| ಸಂತತ ರಘು| ಕುಲತಿಲಕ|

ಮಾತಿನಲ್ಲಿ ಹರಿದಾಸತನ| 

ನೀತಿಯಲ್ಲಿ ಪ್ರಭುದಾಸತನ|

ಪ್ರೀತಿ ಧನಾದಿ ವಿಷಯದಲ್ಲಿ|

|ನಿ|ರ್ಭೀತಿ ದೈವ ಗುರುದ್ರೋಹದಲಿ|

ಏಕಾಂತದಲ್ಲಿ ಧನದ ಗೋಷ್ಠಿ|

ಲೋಕಾಂತದಿ ವೈರಾಗ್ಯದ ಗೋಷ್ಠಿ|

ಶ್ರೀಕಾಂತನ ಸೇವೆಗೆ ಅನುಮಾನ|

ಭೂಕಾಂತನ ಸೇವೆಗೆ ಸುಮ್ಮಾನ|

ಧರ್ಮಕ್ಕೆ ಒಂದು ಕಾಸು ಸಾವಿರ ಹೊನ್ನು

| ಅ|ಧರ್ಮಕ್ಕೆ ಕೋಟಿ ಹೊನ್ನು ಒಂದೇ|

ಕಾಸು ಧರ್ಮ ಮಾಡಲು ಬೇಸರಿಕೆ|

|ಅ|ಧರ್ಮ ಮಾಡಲು ಎಚ್ಚರಿಕೆ|

ಡೊಂಬನಂತೆ ಬಯಲಿಗೆ ಹರಹಿ|

ಡಂಬತನಕೆ ಕರ್ಮವು ಮಾಡಿ |

ಅಂಬುಜನಾಭಗೆ ದೂರಾಗಿ| 

ಕುಂಭೀಪಾಕಕೆ ಗುರಿಯಾದೆ|

ಸತಿಯರ ಬೈದರೆ ನಾ ಬೈಯ್ಯೆ |

ಶ್ರೀಪತಿಯ ಬೈದರೆ ಕೇಳುತ ನಗುವೆ|

ಯಾರಿಗಾಗಿ ಧಾವತಿ ಪಡುವೆ |

|ಇ|ನ್ನಾರಿಗೆ ಒಡವೆಯ ಬಚ್ಚಿಡುವೆ|

ನಾರಿಪುತ್ರ ಮಿತ್ರಾದಿಗಳು|

ಯಾರೂ ಬಾರರೋ ಸಂಗಡದಿ|

ಭಜಿಸು ಬ್ರಹ್ಮಾದಿ ವಂದಿತ ಹರಿಯ|

ತ್ಯಜಿಸು ಕಾಮಾದಿ ದುರ್ವಿಷಯ|

ಸುಜನವಂದಿತನಾದ 

🌹ನರಹರಿ🌹ಯ |

ಭಜಿಸು ಶ್ರೀಶ ಶ್ರೀ ರಘುಪತಿಯ||

*********