ಅರಿಕಿರಲಿ ಅರಿಕಿರಲಿ ಅಬ್ಜನಯನಾ ankita janardhana vittala

 ರಾಗ - : ತಾಳ -

ಅರಿಕಿರಲಿ ಅರಿಕಿರಲಿ ಅಬ್ಜನಯನಾ l 

ದೊರಕಿದತಿ ಭಾಗ್ಯದೊಳು ಧೊರಿಯ ವೆಂಕಟ ನಿನಗೆ ll ಪ ll

ಬಡವ ನಾನೆಂತೆಂದು ಕಡುದೂರ ನೋಡಿದರು l 

ವಡವಿ ವಸ್ತ್ರಾ ವಾಜಿ ಬೇಡೆ ನಿನ್ನಾ l

ದೃಢಭಕುತಿ ಮಾತುರದಿ ಕೊಟ್ಟು ಈ ಕಲಿಯುಗದಿ l

ಕಡೆಹಾಯಿಸೈಯ್ಯಾ ಯೇ ಪೊಡವಿಪತಿ ಯನ್ನೊಬ್ಬಾ ll ೧ ll

ಕೀರ್ತಿ ಪುರುಷನೆ ನಿನ್ನ ವಾರ್ತೆ ಯನಗೆ ಪೇಳಲೂ l

ಪೂರ್ತಿಸದು ಮನಸಿಗೆ ಆರ್ತರೊಡಿಯಾ l

ಧಾರ್ತರಾಷ್ಟ್ರ ಶಕುನಿ ಕಾರ್ತವೀರ್ಯನ ಕೊಂದೆ l

ಪಾರ್ಥಸಖ ಎನ್ನಾ ಪರಿ ಉಕ್ತಿ ಕೇಳಿದು ವೊಂದು ll ೨ ll

ಎರವು ಮಾಡಲಿ ಬ್ಯಾಡ ನರಗುರಿಗಾನೆಂತೆಂದು l 

ಅರಿಕೆಯವರಾ ನಿನ್ನ ಆಳೂ ನಾನೂ l

ಧರೆಯೊಳಗೆ ಪರಿ ಶುಭಾವಾರ್ತಿ ಪೊಗಳುತ ಚರಿಪೆ l

ಗಿರಿಯ ವೆಂಕಟ ವರ ಜನಾರ್ದನವಿಟ್ಠಲಾ ll ೩ ll

***