ನಿನ್ನ ನೋಡಿ ಧನ್ಯನಾದೆನೋ l
ಶ್ರೀ ವೇದವ್ಯಾಸ
ನಿನ್ನ ನೋಡಿ ಧನ್ಯನಾದೆನೋ ll ಪ ll
ನಿನ್ನ ನೋಡಿ ಧನ್ಯನಾದೆ l
ಯಜ್ಞಕುಂಡ ದೇಶದಲ್ಲಿ l
ಘನ್ನ ಮಹಿಮ ಪೂರ್ಣ ಸಂ- l
ಪನ್ನ ಮೂರುತಿ ಬಾದರಾಯಣ ll ಅ ಪ ll
ಯಾದವಾರ್ಯ ಮೌನಿ ಶಿಲ್ಪಿ l
ಶ್ರೀದ ನಿನ್ನ ನವ ಸುಮೂರ್ತಿ l
ಮೋದದಿಂದ ರಚಿಸಿ ತಿದ್ದಿ l
ಪಾದ ಭಜಿಸಿ ಅರ್ಚಿಸಿರುವ ll 1 ll
ನವ ಸುಮೂರ್ತಿಗಳಲಿ ನಿನ್ನ l
ನವ ಸುಭಕ್ತಿಗಳನು ಬೇಡೆ ll
ನವ ಸುಮಹಿಮೆ ತೋರೆ ಕರಗ l ಳವಲಂಬನದಿ ದಯವ ತೋರ್ದ ll 2 ll
ಅಷ್ಟು ಮೂರ್ತಿಗಳಲಿ ತಮ್ಮ l
ಇಷ್ಟ ಮೂರ್ತಿಯನ್ನೆ ಇರಿಸಿ ll ಅಷ್ಟದಿಗಿಭದಂತೆ ಮೆರೆದ l
ಅಷ್ಟ ಶಿಷ್ಟರಿಗಿತ್ತ ಮುನಿಯು ll 3 ll
ಗುರ್ಜುರೀ ಬಂಕಾಪುರ l ಪು
ಮರ್ಜಿ ಕಾಡಣೀಯು ll
ಘರ್ಜಿಪ ಉದ್ಗಾವಿ ಕಲ್ಲಾಪುರ | ನಿರ್ಜರ ಅಂಘೇರಿ ಮಣೂರ ll 4 ll
ತರ್ಕ ಮುದ್ರ ಅಭಯ ಹಸ್ತ l
ಅರ್ಕಾನಂತ ಭಾಸ ಗಾತ್ರ ll
ಶರ್ಕ ರಾಕ್ಷ ಮುಖರ ವಿನುತ l
ವಕ್ರ ಮನದ ಜನಕ ಅಮಿತ್ರ ll 5 ll
ಯೋಗ ಪಟ್ಟಕ ವಸನ ಚೆಲ್ವ l ಯೋಗದಾಸನ ಕೂರ್ಮದುಪರಿ ll|ನಾಗನಂತೆ ಪೋಲ್ವ ಜಟಾ l
ಸೋಗಿನಿಂದ ಮೆರೆವ ದೇವ ll 6 ll
ಯಜ್ಞ ಕುಂಡ ಕ್ಷೇತ್ರ ಮೂರ್ತಿ l
ಯಜ್ಞ ಭೋಕ್ತ ತ್ರಯ ಸುಮೂರ್ತಿ ll
ಯಜ್ಞ ಗುರು ಗೋವಿಂದ ವಿಠಲ l
ಭಗ್ನ ಗೈಸೊ ಮಾಯ ಪಟಲ ll 7 ll
***
