ಮಹಾಗಣಪತೆ ಮಾತಂಗ ವದನ ankita jayarama vittala

ಮಹಾ ಗಣಪತೆ ಮಾತಂಗ ವದನ |
ಮೂಷಿಕವಾಹನ ಮಂಗಳ ಚರಣ |
ಮಹಾ ಗಣಪತೇ |ಪ|

ವಿನಾಯಕ ನೀ ವಿಘ್ನಕೋಟಿಹರಣ
ವಾಮನ ರೂಪ ವಲ್ಲಭನೇ |
ಷಣ್ಮುಖ ಸೋದರ ಸುರಮುನಿ ಪೂಜಿತ
ಶರಣೆಂಬೆ ನಿನಗೆ ಶಂಭುಕುಮಾರ | ೧ |

ಲಂಬೋದರನೇ ಲಕುಮಿ ಕರನೆ
ಅಂಬಾಸುತನೆ ಆದಿಪೂಜ್ಯನೇ |
ದಶಭುಜರೂಪನೆ ದೂರ್ವಪ್ರಿಯನೆ |
ದುರಿತ ನಿವಾರಣ ದೀನರಕ್ಷಣ | ೨ |

ಪಾಶಾಂಕುಶಧರ ಪಾಪವಿಮೋಚನ
ಪಾವನ ಸ್ಮರಣ ಪತಿತಪಾವನ |
ಜಗದೊಳು ನಿನ್ನಯ ನಾಮವ ಪೊಗಳುವೆ
ಜಯರಾಮವಿಠ್ಠಲಗೆ ನೀ ಅತಿಪ್ರೀಯ | ೩ |
******