by yadugiriyamma ankita ಶ್ರೀನಿವಾಸ ರಂಗ / venkatakrishna
ಧನುರ್ಮಾಸದ ಸೇವೆಯ ಗೀತೆ
ಧನುರ್ಮಾಸದ ಸೇವೆಯ ನೋಡುವ ಬನ್ನಿ
ದಾನವಾಂತಕ ರಂಗನ ಪ.
ಶ್ರೇಯೋನಿಧಿಗಳಿಗೆರಗಿ
ಶ್ರೀವೇದಾಂತ ಗುರುಗಳಿಗೆ ವಂದಿಸಿ
ಶ್ರೀ ಭಾಷ್ಯಕಾರ ಶಠಗೋಪರಿಗೆ ವಂದಿಸಿ
ಶ್ರೀರಂಗೋತ್ಸವವ ಸಂಕ್ಷೇಪದಿಂ ಪೇಳುವೆ 1
ಮಾರ್ಗಶಿರ ಮಾಸದಲಿ
ಮಹಾನುಭಾವ ಶ್ರೀರಂಗನಾಥನಿಗೆ
ಮಹದುತ್ಸವವನ್ನು ನಡೆಸಬೇಕೆನುತಲೆ
ಮಹಾಪುರುಷರು ಸಂಕಲ್ಪವ ಮಾಡಿದರು 2
ಕೇಶವ ಮಾಸದಲಿ ಎದ್ದು
ದಾಸರು ಮೂರನೆ ಜಾವದಲಿ
ಭೂಸುರರಿಗೆ ಎಚ್ಚರವಾಗಬೇಕೆಂದು ಬಾ
ರೀಸಿದರು ಭೇರಿ ದುಂದುಭಿ ವಾದ್ಯಗಳ 3
ಕನಕಿ ಸುಜೋತಿ ಹೇಮಾವತಿಯ
ಕಪಿಲೆ ಕಾವೇರಿ ತೀರ್ಥದಲಿ
ಸ್ನಾನವ ಮಾಡಿ ತೀರ್ಥವ ತಂದು ನೇಮದಿ
ನೀಲವರ್ಣನಿಗಭಿಷೇಕವ ಮಾಡಿದರು 4
ಛಳಿಗೆ ಕುಲಾವಿಯನಿಟ್ಟು
ಶಾಲುಗಳ ಹೊದಿಸಿ ನಳಿನನಾಭ ರಂಗಗೆ
ಪರಿಪರಿ ಪುಷ್ಪದ ಸರಗಳ ಧರಿಸಿಯೆ
ಶ್ರೀಮೂರ್ತಿಯ ಸರವನು ಧರಿಸಿದರಾಗ 5
ತಾಪಹರವಾದ ಸೂಕ್ಷ್ಮದ ದಿವ್ಯ
ಧೂಪವನು ಬೆಳಗಿದರು
ವ್ಯಾಪಿಸುವ ತಿಮಿರವ ಪರಿಹರಿಸಿ ರಂಜಿಸುವ
ದೀಪವ ಬೆಳಗಿದರು ಶ್ರೀಪತಿಗೆ 6
ಋಗ್ವೇದ ಯಜುರ್ವೇದವು ಸಾ
ಮವೇದ ಅಥರ್ವಣವೇದಂಗಳು
ದ್ರಾವಿಡವೇದ ಪುರಾಣಶಾಸ್ತ್ರಗಳನು ಬಾಗಿ
ಲಾ ವೊಳಗೆ ನಿಂತು ಭಕ್ತರು ಪೇಳಿದರು 7
ವಾರಾಂಗನೆಯರಾಗ ವೈಯ್ಯಾರದಿಂದ
ಆರತಿಗಳನೆ ತಂದು
ವಾರಿಜನಾಭಗೆ ನೇಮದಿಂದಲೆ ಗುಂ
ಭಾರತಿಗಳನೆತ್ತಿ ನೈವೇದ್ಯವ ತಂದರು 8
ಮುದ್ಗಾನ್ನ ಘಮಘಮಿಸುವ ಪಾಯಸ
ದಧ್ಯೋದನಗಳು ಪರಿಪರಿ ಶಾಕಪಾಕವು
ಆ ದಿವ್ಯ ಭಕ್ಷ್ಯನೈವೇದ್ಯವ ಪರಮಪುರುಷಗೆ
[ಆದ್ಯರು] ಆರೋಗಣೆ ಮಾಡಿದರು 9
ಕಳಿಯಡಿಕೆ ಬಿಳಿಯೆಲೆಯು ಕರ್ಪೂರದ
ಗುಳಿಗೆಗಳನ್ನೆ ತಂದು ಸೃಷ್ಟಿಗೀಶ್ವರಗೆ
ಒಳ್ಳೆ ತಾಂಬೂಲವ ಸಮರ್ಪಿಸಿ
ಹಿಟ್ಟಿನ ಮಂಗಳಾರತಿಯನೆತ್ತಿದರಾಗ 10
ಆ ಮಹಾ ಶ್ರೀನಿವಾಸ ರಂಗ ನೈವೇದ್ಯವ
ಶ್ರೀಮಧ್ರಾಮಾನುಜರ ಮತದಿ
ನೇಮದಲಿ ವಿನಿಯೋಗವ ಮಾಡಲು ಪಾವ
ನಾಮಾದೆವೆಂದೆನುತ ಪೋದರು ಎಲ್ಲ 11
*****
ಧನುಮಾ೯ಸದ ಸೇವೆಯ ನೋಡುವ ಬನ್ನಿ
. ದಾನವಾಂತಕ ರಂಗನ..ಪ☘️
🌷ಶ್ರೇಯೋನಿಧಿಗಳಿಗೆರಗಿ
ಶ್ರೀ ವೇದಾಂತ ಗುರುಗಳಿಗೆ ವಂದಿಸಿ
ಶ್ರೀ ಭಾಷ್ಯಕಾರ ಶಠಗೋಪರಿಗೆ ವಂದಿಸಿ
ಶ್ರೀರಂಗೋತ್ಸವವ ಸಂಕ್ಷೇಪದಿಂ ಪೇಳುವೆ..1☘️
. 🌷ಮಾಗ೯ಶಿರ ಮಾಸದಲಿ
ಮಹಾನುಭಾವ ಶ್ರೀರಂಗನಾಥನಿಗೆ
ಮಹದುತ್ಸವವನ್ನು ನಡೆಸ ಬೇಕೆನುತಲೆ
ಮಹಾ ಪುರುಷರು ಸಂಕಲ್ಪವ ಮಾಡಿದರು..2☘️
🌷ಕೇಶವ ಮಾಸದಲಿ ಎದ್ದು
. ದಾಸರು ಮೂರನೆ ಜಾವದಲಿ
ಭೂಸುರರಿಗೆ ಎಚ್ಚರವಾಗಬೇಕೆಂದು
ಬಾರೀಸಿದರು ಭೇರಿ ದುಂದುಭಿ ವಾದ್ಯಗಳ..3☘️
🌷ಕನಕಿ ಸುಜೋತಿ ಹೇಮಾವತಿಯ
ಕಪಿಲೆ ಕಾವೇರಿ ತೀಥ೯ದಲಿ
ಸ್ನಾನವ ಮಾಡಿ ತೀಥ೯ವ ತಂದು ನೇಮದಿ
ನೀಲವಣ೯ನಿಗಭಿಷೇಕವ ಮಾಡಿದರು..4☘️
🌷ಛಳಿಗೆ ಕುಲಾವಿಯನಿಟ್ಟು
ಶಾಲುಗಳ ಹೊದಿಸಿ ನಳಿನನಾಭ ರಂಗಗೆ
ಪರಿಪರಿ ಪುಷ್ಪದ ಸರಗಳ ಧರಿಸಿಯೆ
ಶ್ರೀ ಮೂತಿ೯ಯ ಸರವನು ಧರಿಸಿದರಾಗ..5☘️
🌷ತಾಪಹರವಾದ ಸೂಕ್ಷ್ಮದ ದಿವ್ಯ
ಧೂಪವನು ಬೆಳಗಿದರು
ವ್ಯಾಸಿಸುವ ತಿಮಿರವ ಪರಿಹರಿಸಿ ರಂಜಿಸುವ
ದೀಪವ ಬೆಳಗಿದರು ಶ್ರೀಪತಿಗೆ..6☘️
🌷ಋಗ್ವೇದ ಯಜುವೇ೯ದವು
ಸಾಮವೇದ ಅಥವ೯ಣ ವೇದಂಗಳು
ದ್ರಾವಿಡವೇದ ಪುರಾಣ ಶಾಸ್ತ್ರಗಳನು ಬಾಗಿ
ಲಾವೊಳಗೆ ನಿಂತು ಭಕ್ತರು ಪೇಳಿದರು..7☘️
🌷ವಾರಾಂಗನೆಯರಾಗ ವೈಯಾರದಿಂದ
. ..ಆರತಿಗಳನೆ ತಂದು
ವಾರಿಜನಾಭಗೆ ನೇಮದಿಂದಲೆ ಗುಂ
ಭಾರತಿಗಳನೆತ್ತಿ ನೈವೇದ್ಯವ ತಂದರು..8☘️
🌷ಮುದ್ಗಾನ್ನ ಘಮ ಘಮಿಸುವ ಪಾಯಸ
ದಧ್ಯೋದನಗಳು ಪರಿಪರಿ ಶಾಕಪಾಕವು
ಆ ದಿವ್ಯ ಭಕ್ಷ್ಯ ನೈವೇದ್ಯವ ಪರಮ ಪುರುಷಗೆ
[ಆದ್ಯರು]ಆರೋಗಣೆ ಮಾಡಿದರು..9☘️
🌷ಕಳಿಯಡಿಕೆ ಬಿಳಿಯೆಲೆಯು ಕಪೂ೯ರದ
ಗುಳಿಗೆಗಳನ್ನೆ ತಂದು ಸೃಷ್ಟಿಗೀಶ್ವರಗೆ
ಒಳ್ಳೆ ತಾಂಬೂಲವ ಸಮಪಿ೯ಸಿ
ಹಿಟ್ಟಿನ ಮಂಗಳಾರತಿಯನೆತ್ತಿದರಾಗ..10☘️
🌷ಆಮಹಾ ಶ್ರೀನಿವಾಸ ರಂಗ ನೈವೇದ್ಯವ
ಶ್ರೀಮಧ್ರಾಮಾನುಜರ ಮತದಿ
ನೇಮದಲಿ ವಿನಿಯೋಗವ ಮಾಡಲು ಪಾವ
ನಾಮದೆವೆಂದೆನುತ ಪೋದರು ಎಲ್ಲ..11
***
