ತಾ ಪಡೆದು ಬಂದುದಕುಪಾಯವೇನು purandara vittala

ಪುರಂದರದಾಸರು
ರಾಗ ಕಾಂಭೋಜಿ ಝಂಪೆ ತಾಳ

ತಾ ಪಡೆದು ಬಂದುದಕುಪಾಯವೇನು
ಕೋಪದಲಿ ಶ್ರೀಪತಿಯ ಶಪಿಸಿದರೇನು

ಅನ್ನಕಿಲ್ಲವು ಎನ್ದು ಅತಿದೈನ್ಯ ಪಡಲೇನು
ಮನ್ನಣೆಯ ಸೌಭಾಗ್ಯ ಬಯಸಲೇನು
ತನ್ನ ಶಿರ ಅಡಿ ಮಾಡಿ ತಪವ ಮಾಡಿದರೇನು
ಎಣ್ಣೆ ಹಚ್ಚಿ ಹುಡಿಯೊಳಗೆ ಉರುಳಾಡಲೇನು

ಸರಿಯ ಜನರನು ನೋಡಿ ಕರುಬಿ ಕೊರಗಿದರೇನು
ಬರಿದೆ ನಿಂದೆಯ ಮಾಡಿ ಪರಚಿಕೊಳಲೇನು
ಇರುಳು ಹಗಲೊಂದಾಗಿ ಕುದಿದು ಸೊರಗಿದರೇನು
ಅರಿಯದ ಮನುಜರಿಗೆ ಆಲ್ಪರಿದರೇನು

ಕಂಡ ದೇವತೆಗಳಿಗೆ ಕೈಯ ಮುಗಿದರೆ ಏನು
ಷಂಡತನದಲಿ ಜಗವ ಸರಿಸಿದರೇನು
ಮಂಡಲಾಧಿಪ ನಮ್ಮ ಪುರಂದರ ವಿಟ್ಠಲನ
ಕೊಂಡಾಡುವುದಕಿನ್ನು ಸಂದೇಹವೇನು
***

pallavi

tA paDedu bandudakupAyavEnu

anupallavi

kOpadali shrIpatiya shApisidarEnu

caraNam 1

annakillavu endu atidainya paDalEnu mannaNeya saubhAgya bayasalEnu

tanna shira aDi mADi tapava mADidarEnu eNNe hacci huDiyoLage uruLADalEnu

caraNam 2

sariya janaranu nODi karubi koragidarEnu baride nindeya mADi paraci koLalEnu

iruLu hagalondAgi kudidu soragidarEnu ariyada manujarige AlparidarEnu

caraNam 3

kaNDa dEvategaLige kaiya mugidare Enu SaNDatanadali jagava sarisidarEnu

maNDalAdhipa namma purandara viTTalana koNDADuvudakinnu sandEhavEnu

***


ತಾ ಪಡೆದು ಬಂದುದಕುಪಾಯವೇನು |
ಕೋಪದಲಿ ಶ್ರೀಪತಿಯ ಶಾಪಿಸಿದರೇನು ಪ.

ಅನ್ನವಸ್ತ್ರವಿಲ್ಲವೆಂದು ಅತಿ ಕ್ಲೇಶಪಟ್ಟರೇನು |ಧಾನ್ಯಧನಗಳ ಬೇಡಿ ಧರೆಗಿಳಿದರೇನು |ಎಣ್ಣಿಯನು ಪೂಸಿ ಹುಡಿಯೊಳಗೆ ಹೊರಳಿದರೇನು |ತನ್ನ ತಲೆ ಅಡಿಮಾಡಿ ತಪವ ಮಾಡಿದರೇನು 1

ಸರಿಯ ಸುಜನರ ಕಂಡು ಕರುಬಿ ಕೊರಗಿದರೇನು |ಬರಿಮಾತುಗಳನಾಡಿ ಭ್ರಷ್ಟನಾದರೆ ಏನು ||ಇರುಳು ಹಗಲೂ ಹೋಗಿ ಆರ ಮೊರೆಯಿಟ್ಟರೇನು |ಅರಿಯದ - ಮನುಜರಿಗೆ ಆಲ್ಪರಿದರೇನು 2

ಹೋಗದೂರಿನ ದಾರಿಕೇಳಿ ಮಾಡುವದೇನು |ಮೂಗನ - ಕೂಡ ಏಕಾಂತವೇನು ||ಯೋಗೀಶ ಪುರಂದರವಿಠಲನ ನೆನೆಯದವ |ತ್ಯಾಗಿಯಾದರೆ ಏನು ಭೋಗಿಯಾದರೆ ಏನು 3
*******