ಹರಿಯೇ ನಿನ್ನಾಧೀನ ಸಕಲ vijaya vittala suladi ದಾಸದೀಕ್ಷೆ ಸುಳಾದಿ HARIYE NINNAADHEENA SAKALA DASADEEKSHE SULADI

Audio by Mrs. Nandini Sripad

ಶ್ರೀ ವಿಜಯದಾಸಾರ್ಯ ವಿರಚಿತ  ದಾಸದೀಕ್ಷೆ ಸುಳಾದಿ 

ಶ್ರೀಮಧ್ವಮತ ಪ್ರಶಂಸನಾಪೂರ್ವಕ ವಾಯುವಂತರ್ಯಾಮಿ ಶ್ರೀಹರಿಯನ್ನೆ ಭಜಿಸುವುದು ಸುಲಭ ಸಾಧನ

ರಾಗ ಶಂಕರಾಭರಣ

ಧ್ರುವತಾಳ 

ಹರಿಯೆ ನಿನ್ನಾಧೀನ ಸಕಲ ಜ್ಞಾನೇಂದ್ರಿಯಂಗಳು| 
ಹರಿ ನಿನ್ನಾಧೀವ ಸಕಲ ಕರ್ಮೇಂದ್ರಿಯಂಗಳು| 
ಹರಿಯೆ ನಿನ್ನಾಧೀನ ಪಂಚಭೂತಾತ್ಮಗಳು| 
ಹರಿಯೆ ನಿನ್ನಾಧೀನ ಮನ ಚಿತ್ತಾದಿಗಳು| 
ಹರಿಯೆ ನಿನ್ನಾಧೀನ ಸಕಲ ಚೇತನವು| 
ಹರಿಯೆ ನಿನ್ನಾಧೀನ ಸರ್ವ ಚೇಷ್ಟೆಗಳು| 
ಹರಿಯೆ ನೀ ನೇಮಿಸಿದ ಕಾರಣ ಎನ್ನ| 
ಶರೀರದೊಳಗೆ ಎಲ್ಲ ಭರಿತವಾಗಿದೆ| 
ಪೊರಗಿದ್ದ ಸರಕು ಬೆಲೆ ಮಾಡಿದಂತೆ ಇದ್ದ | 
ಸರಕು ಧನವ ವಿತ್ತು ತುಂಬಲಿಲ್ಲ | 
ಶರಣರ ಮೊರೆ ಕೇಳೋ ವಿಜಯವಿಠ್ಠಲರೇಯ |
ಮರದು ಬಿಡುವನಲ್ಲ ಬಿರಿದುಳ್ಳ ದೇವನೆ ॥ 1 ॥

ಮಟ್ಟತಾಳ 

ಕುಣಿಸಿದರೆ ಕುಣಿವೆ ನಗಿಸಿದರೆ ನಗುವೆ| 
ಮಣಿಸಿದರೆ ದಣಿವೆ ಅಳಿಸಿದರೆ ಅಳುವೆ| 
ಉಣಿಸಿದರೆ ಉಣುವೆ ಉಡಿಸಿದರೆ ಉಡುವೆ | 
ನೆನಿಸಿದರೆ ನೆನಿವೆ 
ಮನುಜ ವೇಷ ಪ್ರೀಯ ವಿಜಯವಿಠ್ಠಲ ಹರಿ| 
ನೆನವಿತ್ತರೆ ನೆನೆವೆ ದಣುವಿತ್ತರೆ ದಣುವೆ ॥ 2 ॥

ತ್ರಿವಿಡಿತಾಳ

ತಪುತ ಮುದ್ರಿಗಳಿಲ್ಲದಂಥ ಮಾನವ ನಿನ್ನ| 
ಅಪರೋಕ್ಷಕರಿಸಿ ಪ್ರತ್ಯಕ್ಷ ಕಾಣುತ್ತಿರಲು 
ಉಪಚಾರವನು ಮಾಡೆ ಜನುಮಾಂತರಕೆ ನಾನು | 
ತಪಸಿ ಆದರು ಅವಗೆ ನಮಿಸೇನೊ ನಮಿಸೇನೋ| 
ಅಪವರ್ಗವಾಗಲಿ ಸರ್ಗವಾಗಲಿ ಯಮನು| 
ಕುಪಿತದಲ್ಲಿ ವೈದು ತಪಿಸಿದರಾದರು| 
ಕಪಿಯ ಕೈಯಲ್ಲಿ ಮಣಿಯ ಜಪಮಾಲೆ ಸಿಕ್ಕಂತೆ | 
ತಪುತ ಮುದ್ರಾಹೀನ ನಿನ್ನ ನೋಡಿದರೇನು 
ಗುಪಿತ ಮಹಿಮ ನಮ್ಮ ಒಡೆಯ ವಿಜಯವಿಠ್ಠಲರೇಯ 
ಕೃಪೆ ಮಾಡಿದರೆ ಲೇಸೆ ಮಾಡದಿದ್ದರೆ ಲೇಸೆ ॥ 3 ॥

ಅಟ್ಟತಾಳ 

ಶಿವನ ತ್ರಿಶೂಲ ವೈಶ್ರವಣನ್ನ ಖಡ್ಗವು| 
ಜವನ ದಂಡವು ವೃದ್ಧ ಶ್ರವಣನ ವಜ್ರಾಯುಧ | 
ಪವನ ಸಖನಶಕ್ತಿ ನವವರುಣನ ಪಾ| 
ಶವನು ಕೋಪದಲಿ ದಾನವನು ಪಿಡಿದಕುಂ ತಾ| 
ದಿವಿಜರು ಮಿಕ್ಕಾದ ನಿವಹ ಕೈದುಗಳಿಂದ | 
ತವಕದಿಂದಲಿ ಬಂದು ಅವಘಡಿಸಿದರೆ ನಾ
ನವಕೆ ಭೀತಿಯ ಬಡೆ| 
ಪವನ ಮತವನು ಮಾನವನು ತೊರದಿರೆ | 
ಅವನ ವಹಿಸಿಕೊಂಡು ಇವರೆಲ್ಲ ಬರಲ್ಯಾಕೆ|
ಪವಮಾನಗತಿ ಪ್ರಿಯ ವಿಜಯವಿಠ್ಠಲ ಕೃಷ್ಣ 
ಅವರ ಪ್ರೇರಕ ನಿನ್ನವರ ಪಾಲಕ ನೀನೆ ॥ 4 ॥

ಆದಿತಾಳ 

ಹರಿಮುನಿದರೆ ಗುರು ಪರಿಹರಿಸುವನಯ್ಯಾ| 
ಗುರು ಮುನಿದಡೆ ಹರಿ ಕಾಯಲರಿಯನೆಂದು ಈ 
ಚರಾಚರದಲಿ ಇದೆ ಸ್ಥಿರವಾಗಿ ಇರಲಿಕ್ಕೆ 
ಹರಿ ನಿನ್ನ ನೆನೆ ನೆನೆದು ವೃಕೋದರನ ನೆನೆಯದವ | 
ಹಿರಿಯನಾದರೆ ಏನು ಕಿರಿಯನಾದರೆ ಏನು|
ತರವಲ್ಲ ಮನ್ನಣಿಗೆ ವರಕೆ ದೂರದು ಕಾಣೊ| 
ಸರಿವೆ ಅವನಲ್ಲಿ ಕುಳ್ಳಿರ ಮನವಾಗದು|
ಕರುಣಾವಾರಿಧಿ ನಮ್ಮ ವಿಜಯವಿಠ್ಠಲರೇಯ 
ಗುರುವೆ ಪವನನೆಂದು ಬಿರಿದು ಡಂಗುರ ಹೊಯಿವೆ ॥ 5 ॥

ಜತೆ

ಪವನನ್ನ ಮತವಿಡಿದು ನಿನ್ನ ಶ್ರವಣ ಮಾ|
ಡುವರ ಸಂಗ ಪಾಲಿಸು ನಿತ್ಯ ವಿಜಯವಿಠ್ಠಲರೇಯಾ ॥
*******

ಶ್ರೀ ವಿಜಯದಾಸಾರ್ಯ ವಿರಚಿತ ದಾಸದೀಕ್ಷೆ ಸುಳಾದಿ 

ಶ್ರೀಮಧ್ವಮತ ಪ್ರಶಂಸನಾಪೂರ್ವಕ ವಾಯುವಂತರ್ಯಾಮಿ ಶ್ರೀಹರಿಯನ್ನೆ ಭಜಿಸುವುದು ಸುಲಭ ಸಾಧನ

ರಾಗ ಶಂಕರಾಭರಣ

ಧ್ರುವತಾಳ 

ಹರಿಯೆ ನಿನ್ನಾಧೀನ ಸಕಲ ಜ್ಞಾನೇಂದ್ರಿಯಂಗಳು| 

ಹರಿ ನಿನ್ನಾಧೀವ ಸಕಲ ಕರ್ಮೇಂದ್ರಿಯಂಗಳು| 

ಹರಿಯೆ ನಿನ್ನಾಧೀನ ಪಂಚಭೂತಾತ್ಮಗಳು| 

ಹರಿಯೆ ನಿನ್ನಾಧೀನ ಮನ ಚಿತ್ತಾದಿಗಳು| 

ಹರಿಯೆ ನಿನ್ನಾಧೀನ ಸಕಲ ಚೇತನವು| 

ಹರಿಯೆ ನಿನ್ನಾಧೀನ ಸರ್ವ ಚೇಷ್ಟೆಗಳು| 

ಹರಿಯೆ ನೀ ನೇಮಿಸಿದ ಕಾರಣ ಎನ್ನ| 

ಶರೀರದೊಳಗೆ ಎಲ್ಲ ಭರಿತವಾಗಿದೆ| 

ಪೊರಗಿದ್ದ ಸರಕು ಬೆಲೆ ಮಾಡಿದಂತೆ ಇದ್ದ | 

ಸರಕು ಧನವ ವಿತ್ತು ತುಂಬಲಿಲ್ಲ | 

ಶರಣರ ಮೊರೆ ಕೇಳೋ ವಿಜಯವಿಠ್ಠಲರೇಯ |

ಮರದು ಬಿಡುವನಲ್ಲ ಬಿರಿದುಳ್ಳ ದೇವನೆ ॥ 1 ॥

ಮಟ್ಟತಾಳ 

ಕುಣಿಸಿದರೆ ಕುಣಿವೆ ನಗಿಸಿದರೆ ನಗುವೆ| 

ಮಣಿಸಿದರೆ ದಣಿವೆ ಅಳಿಸಿದರೆ ಅಳುವೆ| 

ಉಣಿಸಿದರೆ ಉಣುವೆ ಉಡಿಸಿದರೆ ಉಡುವೆ | 

ನೆನಿಸಿದರೆ ನೆನಿವೆ 

ಮನುಜ ವೇಷ ಪ್ರೀಯ ವಿಜಯವಿಠ್ಠಲ ಹರಿ| 

ನೆನವಿತ್ತರೆ ನೆನೆವೆ ದಣುವಿತ್ತರೆ ದಣುವೆ ॥ 2 ॥

ತ್ರಿವಿಡಿತಾಳ

ತಪುತ ಮುದ್ರಿಗಳಿಲ್ಲದಂಥ ಮಾನವ ನಿನ್ನ| 

ಅಪರೋಕ್ಷಕರಿಸಿ ಪ್ರತ್ಯಕ್ಷ ಕಾಣುತ್ತಿರಲು 

ಉಪಚಾರವನು ಮಾಡೆ ಜನುಮಾಂತರಕೆ ನಾನು | 

ತಪಸಿ ಆದರು ಅವಗೆ ನಮಿಸೇನೊ ನಮಿಸೇನೋ| 

ಅಪವರ್ಗವಾಗಲಿ ಸರ್ಗವಾಗಲಿ ಯಮನು| 

ಕುಪಿತದಲ್ಲಿ ವೈದು ತಪಿಸಿದರಾದರು| 

ಕಪಿಯ ಕೈಯಲ್ಲಿ ಮಣಿಯ ಜಪಮಾಲೆ ಸಿಕ್ಕಂತೆ | 

ತಪುತ ಮುದ್ರಾಹೀನ ನಿನ್ನ ನೋಡಿದರೇನು 

ಗುಪಿತ ಮಹಿಮ ನಮ್ಮ ಒಡೆಯ ವಿಜಯವಿಠ್ಠಲರೇಯ 

ಕೃಪೆ ಮಾಡಿದರೆ ಲೇಸೆ ಮಾಡದಿದ್ದರೆ ಲೇಸೆ ॥ 3 ॥

ಅಟ್ಟತಾಳ 

ಶಿವನ ತ್ರಿಶೂಲ ವೈಶ್ರವಣನ್ನ ಖಡ್ಗವು| 

ಜವನ ದಂಡವು ವೃದ್ಧ ಶ್ರವಣನ ವಜ್ರಾಯುಧ | 

ಪವನ ಸಖನಶಕ್ತಿ ನವವರುಣನ ಪಾ| 

ಶವನು ಕೋಪದಲಿ ದಾನವನು ಪಿಡಿದಕುಂ ತಾ| 

ದಿವಿಜರು ಮಿಕ್ಕಾದ ನಿವಹ ಕೈದುಗಳಿಂದ | 

ತವಕದಿಂದಲಿ ಬಂದು ಅವಘಡಿಸಿದರೆ ನಾ

ನವಕೆ ಭೀತಿಯ ಬಡೆ| 

ಪವನ ಮತವನು ಮಾನವನು ತೊರದಿರೆ | 

ಅವನ ವಹಿಸಿಕೊಂಡು ಇವರೆಲ್ಲ ಬರಲ್ಯಾಕೆ|

ಪವಮಾನಗತಿ ಪ್ರಿಯ ವಿಜಯವಿಠ್ಠಲ ಕೃಷ್ಣ 

ಅವರ ಪ್ರೇರಕ ನಿನ್ನವರ ಪಾಲಕ ನೀನೆ ॥ 4 ॥

ಆದಿತಾಳ 

ಹರಿಮುನಿದರೆ ಗುರು ಪರಿಹರಿಸುವನಯ್ಯಾ| 

ಗುರು ಮುನಿದಡೆ ಹರಿ ಕಾಯಲರಿಯನೆಂದು ಈ 

ಚರಾಚರದಲಿ ಇದೆ ಸ್ಥಿರವಾಗಿ ಇರಲಿಕ್ಕೆ 

ಹರಿ ನಿನ್ನ ನೆನೆ ನೆನೆದು ವೃಕೋದರನ ನೆನೆಯದವ | 

ಹಿರಿಯನಾದರೆ ಏನು ಕಿರಿಯನಾದರೆ ಏನು|

ತರವಲ್ಲ ಮನ್ನಣಿಗೆ ವರಕೆ ದೂರದು ಕಾಣೊ| 

ಸರಿವೆ ಅವನಲ್ಲಿ ಕುಳ್ಳಿರ ಮನವಾಗದು|

ಕರುಣಾವಾರಿಧಿ ನಮ್ಮ ವಿಜಯವಿಠ್ಠಲರೇಯ 

ಗುರುವೆ ಪವನನೆಂದು ಬಿರಿದು ಡಂಗುರ ಹೊಯಿವೆ ॥ 5 ॥

ಜತೆ

ಪವನನ್ನ ಮತವಿಡಿದು ನಿನ್ನ ಶ್ರವಣ ಮಾ|

ಡುವರ ಸಂಗ ಪಾಲಿಸು ನಿತ್ಯ ವಿಜಯವಿಠ್ಠಲರೇಯಾ ॥

**********