ಭಾರತೀ ವರ ಪಾಹಿಮಾಂ ಟೊಣ್ಣೂರು ankita karpara narahari

ಭಾರತೀವರ ಪಾಹಿಮಾಂ ಟೊಣ್ಣೂರು

ಮಂದಿರ ಕರುಣಾಕರ ಪ

ಸೇರಿದವರ ದುರಿತ ಘನ ಸಮೀರ

ಸುರವರ ಮಾಮುದ್ಧರ ಅ.ಪ

ನೂರುಯೋಜನದುದಧಿ ಲಂಘಿಸಿ ಧಾರುಣಿ

ಸುತೆಯಾ ಶುಭವಾರ್ತೆಯಾ

ಶ್ರೀರಾಮನಿಗರುಹಿದ ಬಲುಶೂರ

ಬಿಡಿಸಯ್ಯ ಸಂಸೃತಿ ಭಯ 1

ಕ್ರೂರದ್ವೈತರ ಮಥನದಿ ಕಂಸಾರಿ ಕರುಣವ

ಪಡೆದಿಯೊ ಜವ

ಕೌರವಾಂತಕ ನೀಡೋ ಮನದಿ ಶೌರಿ ಚರಣವ

ನೋಳ್ಪ ಸುಖವ2

ಧೀರ ಕಾರ್ಪರ ನಾರಸಿಂಹ ನಾಪಾರ

ಮಹಿಮೆಯ ತಿಳಿವ ಬಗೆಯ

ಸಾರ ಶಾಸ್ತ್ರದಿ ಪೇಳಿದ ಸುಖತೀರಥಾಹ್ವಯ

ಕೊಡು ಸುಮತಿಯ 3

****