ankita tandepurandara vittala
ರಾಗ: ಆನಂದಭೈರವಿ ತಾಳ: ಅಟ
ರಾಘವೇಂದ್ರ ಗುರುವೆ ರಾಗದ್ವೇಷಾದಿಗಳು
ನೀಗುವಂತೆ ಮಾಡೊ ಭಾಗವತರಪ್ರಿಯ ಪ
ನೆಲೆಯಾಗಿ ಇರುತಿಪ್ಪೆ ವರಮಂತ್ರಾಲಯದಲಿ
ನಲಿದು ಕರೆಯಲು ನಿನ್ನ ಒಲಿದು ನೀನಡೆತರುವಿ 1
ನಿನ್ನ ನಾನರಿಯೆನೊ ಮನ್ನಿಸಿ ಬಂದ ಬಗೆಗೆ
ಉನ್ನಂತಕಾರಣ ಭಿನ್ನವಿಲ್ಲದ ಕರುಣ 2
ತಪ್ಪುಗಳ ಎನ್ನ ವಿಪರೀತಗಳ ಮರೆತು
ಅಪಾರ ಕೃಪೆಯಗೊಂಡ ಸರ್ಪಶಯನನ ದಾಸ 3
ದಾಸನುನಾನೆಂದು ಏಸು ಮರ್ಮವ ತೋರಿ
ಶ್ರೀಶನಪಾದದಲಿ ಲೇಸು ಭಕುತಿಕೊಟ್ಟು 4
ಇಷ್ಟದಾಯಕ ಎನ್ನನಿಷ್ಟವತಾಳಿನೀ
ಮುಷ್ಟಿಯಮುರಿದ ಎನ್ನಿಷ್ಟದೈವವ ತೋರೊ 5
ಎಂದಿಗು ಕುಂದದ ತುಂಗಾತೀರದಲಿರ್ಪ
ಬಂದಭಕುತರಿಗೆ ಹಿಂಗದೆ ವರವೀವ 6
ಯತಿಗಳೊಳಗೆ ಶ್ರೇಷ್ಠನೆ ಯದುಪತಿ ಪ್ರಿಯನೆ
ಸ್ಮøತಿಗಳು ಆಗೋಹಾಗೆ ಮಾಡಿದ ಧೀರನೆ 7
ಪೊಡವಿಯಲಿ ತುಂಬಿತೊ ನಿನ್ನ ಪೆಸರು ಕೇಳೊ
ಎಡಬಿಡದೆ ಎನ್ನಲಿ ನಲಿಯುತಿರಬೇಕೊ 8
ಪರಪುರುಷ ತಂದೆಪುರಂದರವಿಠಲನ
ನಿರುತಪೂಜಿಪ ನಿನ್ನ ಅಡಿಗೆ ನಮಿಸುವೆ 9
***
