ದಾಸರ ದಾಸರ ದಾಸನೆಂದೆನಿಸುವ ಲೇಸು ಭಾಗ್ಯವ ಕೊಡೊ ಶಾಶ್ವತವಾಗಿ ankita lakshmikanta

 ..

kruti by ಲಕ್ಷ್ಮೀನಾರಯಣರಾಯರು Lakshminarayanaru 

ದಾಸರ ದಾಸರ ದಾಸನೆಂದೆನಿಸುವ

ಲೇಸು ಭಾಗ್ಯವ ಕೊಡೊ ಶಾಶ್ವತವಾಗಿ ಪ

ಆಶಾಪಾಶವ ನಾಶನಗೈಸಿ

ದೇಶಿಗರೆಲ್ಲರ ಕೂಸೆಂದೆನಿಸಿ ಅ.ಪ.

ಕಾಮಕ್ರೋಧದ ಉಪಟಳ ಬಹಳ

ನೇಮ ನಿಷ್ಠೆಯ ಸುಳಿವೆನಗಿಲ್ಲ

ತಾಮಸನಾಗಿ ಬಳಲಿದೆನಯ್ಯ

ಪ್ರೇಮದಿ ಪಿಡಿದು ಸಲಹೊ ದಮ್ಮಯ್ಯ 1

ವದನದಿ ನಿನ್ನ ನಾಮವ ನುಡಿಸೊ

ಪದದಲಿ ನಿನ್ನ ಯಾತ್ರೆಯ ನಡೆಸೊ

ಹೃದಯದಿ ನಿನ್ನ ರೂಪವÀ ತೋರಿ

ಒದಗಿ ಪಾಲಿಸೊ ಅನುದಿನ ಶೌರಿ 2

ಭಕ್ತವತ್ಸಲ ಭಾಗ್ಯಸಂಪನ್ನ

ಭಕ್ತರ ಸಂಗತಿ ಪಾಲಿಸೊ ಘನ್ನ

ಉಕ್ತಿಯ ಲಾಲಿಸೊ ನಾನು ಅನಾಥ

ಮತ್ತೇನು ಬೇಡೆನೊ ಶಕ್ತ ಶ್ರೀಕಾಂತ 3

***