ಶ್ರೀ ವಿಜಯದಾಸಾರ್ಯ ವಿರಚಿತ ಮಧ್ಯಾರ್ಜುನಮಹಿಮೆ ಸುಳಾದಿ
(ಕಾವೇರಿಯ ದಕ್ಷಿಣ ತೀರದಲ್ಲಿರುವ ಕ್ಷೇತ್ರ)
ರಾಗ : ಕೀರವಾಣಿ
ಧ್ರುವತಾಳ
ಏನು ಪೇಳಲಿ ಮಧ್ಯಾರ್ಜುನದ ಮಹಾಮಹಿಮೆ
ಏಣಿ ಸಾಲಳವೇನು ಜ್ಞಾನಿಗಳಿಗೆ
ಕ್ಷೋಣಿಯೊಳಗೆ ಪುಟ್ಟಿ ಅನಂತಾಜನುವಾದಲ್ಲಿ
ಮಾಣಾದೆ ಮಾಡಿದಾ ದುರಿತಾವೆಂಬೊ
ಮಾಣಾದೆ ಮಾಡಿದಾ ದುರಿತಾವೆಂಬೊ
ಕಾನನಾ ರಾಸಿಗೆ ಹವ್ಯವಾಹನನಾಗಿ
ತಾನಿಗಾಲಿಪ್ಪಾದು ತವಕದಿಂದ
ಗೇಣಿಗೇಣಿಗೆ ನಿಂದು ಯಾತ್ರಿಯಾ ಪತಿಕರಿಸಿ
ಆನಂದಾವಾಗುವದು ಅನುಗಾಲವೊ
ಭಾನುಕೋಟಿತೇಜಾ ವಿಜಯವಿಠಲನ್ನ
ನೀನೆಂದು ನಿತ್ಯ ಸ್ತುತಿಸೆ ಸಾನುಕೂಲಾವೆನ್ನಿ ll1ll
ಮಟ್ಟತಾಳ
ಕಶ್ಯಪ ವಿಭಾಂಡ ಋಷಿಗಳೀರ್ವಾರು
ಹೃಷಿಕೇಶನ ಒಲಿಸುವೆವು ಎನುತಲಿ
ಕುಶಲಮತಿಯಲ್ಲಿ ವಸುಧಿಯೊಳಗೆ ಯಮನಾ
ದೆಶೆಯಲ್ಲಿಗೆ ಬಂದು ತೃಷಿಯಾದಿಯ ತೊರೆದು
ಹಸನಾಗಿ ಇರುತಿರೆ
ವಸುದೇವ ತನಯಾ ವಿಜಯವಿಠಲರೇಯಾ
ಶಿಶುವಿನಲಾಟಾರ್ಚಿಸಿ ನೋಡುವೆವೆಂದು ll2ll
ತ್ರಿವಿಡಿತಾಳ
ಈ ಪರಿ ತಪಸನು ಮಾಡಾಲು ಈರ್ವರಿಗೆ
ಗೋಪಾಲಕೃಷ್ಣನು ಅರ್ಜುನ ಮರದೆಡಿಯಾ
ತಾ ಪ್ರೇಮದಿಂದಲಿ ಮುನಿಗಳಿಗೆ ತನ್ನಯಾ
ರೂಪವನ್ನು ತೋರಿ ರಚನೆಯಿಂದ
ತಪಸಿಗಾಮನೊ ಬಯಕಿಯ ಸಲ್ಲಿಸಿ
ದ್ರೌಪದಿವರದನು ಮರದಾ ಮಧ್ಯ
ರೂಪವಡಗಿಸಿಕೊಂಡು ಪೋದಾನಂದಿನಾರಭ್ಯ
ಭೂಪಾರದೊಳಗೆ ಮಧ್ಯಾರ್ಜುನನೆಂಬಾ
ತಾ ಪೆಸರಾಗಿ ಈ ಕ್ಷೇತ್ರ ಪೆಸರಾಗಿ ಈ ಕ್ಷೇತ್ರ ಗುರುತಾದರೂ
ನಾ ಪೇಳಾಲಿಂನ್ನಿನು ವಿಚಿತ್ರಾ ಉ-
ಮಾಪತಿ ವಿಜಯವಿಠಲರೇಯಾ ಅನಂತ
ರೂಪಾನಗಣಿತ ಮಹಿಮಾ ಮೆರೆದಾನಿಲ್ಲಿ ll3ll
ಅಟ್ಟತಾಳ
ಕಾರುಣ್ಯಾಮೃತಾತೀರ್ಥ ಪಾರಮಾರ್ಥದ
ಕಾವೇರಿಯಾ ಸ್ನಾನವು ಶ್ರೀರಂಗನಾಥನಾ
ಶ್ರೀಪಾದ ಪದುಮವ ಚಾರುಮನದಲ್ಲಿ
ಸ್ಮರಿಸುತ್ತ ಮಾಡಲು ಮೀರಿದ ದುರಿತವ
ವಾರಿಧಿ ಬತ್ತಿ ಸಂ-
ಸಾರದಿಂದಲಿ ಉದ್ಧಾರವಾಗುವುದು
ವಾರುಣೀಂದ್ರವಂದ್ಯ ವಿಜಯವಿಠಲ ತಾನೆ
ಭಾರಕರ್ತನಾಗಿ ಸಾರೆದಲಿಪ್ಪಾ ll4ll
ಆದಿತಾಳ
ಎಲ್ಲಿ ಪೋಗದಿದ್ದ ಪಾಪ
ಇಲ್ಲಿ ಬಿಟ್ಟು ಪೋಪುದು
ಎಳ್ಳನಿತು ಯಾತ್ರಿ ಬಿಡದೆ
ಉಳ್ಳದ್ದು ಮಾಡಿ ಇದ್ದಲೀ ವೇಗಾದಲ್ಲಿ
ಸಲ್ಲಾದ ಸಂಶಯ ಹರಿಯ
ಬಲ್ಲವರಿಗೆ ಇದರ
ಸೊಲ್ಲು ಒಂದು ಕೇಳಾಲು ಕೈ-
ವಲ್ಯಾವಾಗುವದು ಸಿದ್ಧಾ
ಬಲ್ಲಿದ ಶ್ರೀ ವಿಜಯವಿ -
ಠಲನ ಕರುಣದಿಂದ
ಚುಲ್ಲಿಕ ನಡತಿ ಪೋಗಿ
ಒಳ್ಳೆ ಫಲ ದೊರಕುವದೂ ll5ll
ಜತೆ
ಮಧ್ಯಾರ್ಜುನದ ಯಾತ್ರಿ ಮಾಡಾಲು ಮನವರಿತು
ಬಿದ್ದು ಹೋಹದು ಫಲಾ ನೀವ ವಿಜಯವಿಠಲ ll6ll
*******
