ಇಂತಿರುವುದೇನು ಬಗೆ ರಾಮಾ ankita pranesha vittala

by ಪ್ರಾಣೇಶದಾಸರು
.

ರಾಗ -  :  ತಾಳ - 

ಇಂತಿರುವುದೇನು ಬಗೆ ರಾಮಾ l  ಹರಿ ಸ್ವ-

ತಂತ್ರ ಶ್ರೀನಿಧಿಯೆಂದು ಪೊಗಳುತಿದೆ ವೇದ ll ಪ ll

ವಿಧಿಗೆ ಪದವಿತ್ತವನೇ ವನವ ಚರಿಸುವುದೇನೋ l

ಪದುಮ ಸದನೆಯ ರಮಣ ಬಡವನಾಗಿಹದೇನೋ ll

ಮದನ ಜನಕನೆ ಋಷಿಗಳಂತೆ ಆಗುವುದೇನೋ l

ಉದರದೊಳು ಬಹು ಜಗಗಳಿರಲೂ ಪತ್ರ ಸದನವಾಶ್ರಯಿಸಿ-

ಕೊಂಡಿರುವಿ ಇದು ಏನೋ ll 1 ll

ನಿತ್ಯ ತೃಪ್ತನೆ ಶಬರಿಯೆಂಜಲುಂಬವದೇನೋ l

ಉತ್ತಮ ವಿಹಗವಿರಲು ಕಾಲ್ನಡಿಗೆಯಿದೇನೋ ll

ಭೃತ್ಯರು ದಿವಿಜರು ನೀಂ ಚಾಪವ ಹೊರುವದೇನೋ l

ನಿತ್ಯ ಶ್ರೀ ಹೃದಯದೊಳಗಿರಳು ನಿನ್ನ ಪತ್ನಿ ಹೋದಳೆಂದು ಚಿಂತಿಸುವದೇನೋ ll 2 ll

ಸ್ವಾಮಿ ಅಹಿಶಯನ ತೃಣಶಾಯಿಯಾಗುವದೇನೋ l

ಭೂಮಿ ನಿನ್ನೊಂದಂಘ್ರಿ ಸೇತು ಕಟ್ಟುವದೇನೋ ll

ಈ ಮರುಳು ರಕ್ಕಸರು ನಿನಗೊಂದೀಡೇನೋ l

ತಾಮಸರ ಮೋಹಿಸುವದಕೆ, ಭಕ್ತ ಪ್ರಾಣೇಶವಿಟ್ಠಲನೆ ಲೀಲೆಯೇನೋ ll 3 ll

***

ಇಂತಿರುವುದೇನು ಬಗೆ ರಾಮಾ |
ಹರಿಸ್ವ-ತಂತ್ರ ಶ್ರೀನಿಧಿಯೆಂದು ಪೊಗಳುತಿವೆ ವೇದ ಪ

ವಿಧಿಗೆ ಪದವಿತ್ತವನೇ ವನವ ಚರಿಸುವದೇನೋ |
ಪದುಮ ಸದನೆಯ ರಮಣ ಬಡವನಾಗಿಹದೇನೋ ||
ಮದನಜನಕನೆ ಋಷಿಗಳಂತೆ ಆಗುವದೇನೋ |
ಉದರದೊಳು ಬಹು ಜಗಗಳಿರಲೂ ಪತ್ರ ಸದನವಾಶ್ರಯಿಸಿ-
ಕೊಂಡಿರುವಿ ಇದು ಏನೋ 1

ನಿತ್ಯತೃಪ್ತನೆ ಶಬರಿಯೆಂಜಲುಂಬುವದೇನೋ |
ಉತ್ತಮ ವಿಹಗವಿರಲು ಕಾಲ್ನಡಿಗೆಯಿದೇನೋ ||
ಭೃತ್ಯರುದಿವಿಜರುನೀಂ ಚಾಪವ ಹೊರುವದೇನೋ |
ನಿತ್ಯಶ್ರೀ ಹೃದಯದೊಳಗಿರಲು ನಿನ್ನ ಪತ್ನಿ 
ಹೋದಳೆಂದುಚಿಂತಿಸುವದೇನೋ2

ಸ್ವಾಮಿ ಅಹಿಶಯನ ತೃಣಶಾಯಿಯಾಗುವದೇನೋ |
ಭೂಮಿ ನಿನ್ನೊಂದಂಘ್ರಿ ಸೇತು ಕಟ್ಟುವದೇನೋ ||
ಈ ಮರುಳು ರಕ್ಕಸರು ನಿನಗೊಂದೀದೇನೋ |
ತಾಮಸರ ಮೋಹಿಸುವದಕೆ, ಭಕ್ತ ಪ್ರೇಮ ಪ್ರಾಣೇಶ
ವಿಠ್ಠಲನೆಲೀಲೆಯೇನೋ3
********