ಆಡಿದ ರಂಗನಾಡಿದ ||ಪ ||
ರೂಢಿಯೊಳಗೆ ನಮ್ಮ ಮಕ್ಕಳಂತೆ ||ಅ.ಪ||
ಮಣ್ಣಾಟ ಬೇಡವೊ ಬುಕ್ಕಚ್ಚಿ ಮಾಡಬೇಕು
ಅಣ್ಣಯ್ಯ ಬಾರೆಂದು ಎತ್ತಿಕೊಂಡು
ಎಣ್ಣೆ ಒತ್ತಿ ಬೇಗ ಎರೆದಳು ಗೋಪ್ಯಮ್ಮ
ಕಣ್ಣಿಗೆ ಕಾಡಿಗೆ ಇಟ್ಟಳು ಕೇಳಯ್ಯ ||
ತಿಲಕವು ಫಣೆಯಲಿ ಸರಿಗೆ ಕೊರಳು
ಥಳಥಳಿಸುವ ಕರ್ಣಭೂಷಣ ಉಡಿದಾರ
ಹೊಳೆವ ಪೀತಾಂಬರ ಹೆಗಲಿಂದ ಒಲಿವುದು
ಜಲಜನಾಭನಿಗೆ ಕಡಗ ಕಾಲಸರಗಳು ||
ಮೂರು ವರುಷಗಳು ಮುದ್ದು ರಂಗಯ್ಯಗೆ
ಮೀರಿದ ಕೆಂದುಟಿ ಜೊಲ್ಲು ಬಾಯಿ
ವಾರಿಗೆಯ ಮಕ್ಕಳ ಕೂಡ ಬೀದಿಯಲಿ
ವಾರಿಜನಾಭನು ನಲಿಯುತಲಿರುತಿರ್ದ ||
ಚೆಂಡು ಬುಗುರಿ ಮತ್ತು ಕಣ್ಣುಮುಚ್ಚಿ ಕೋಲು
ಗಂಡು ಮಕ್ಕಳ ಸಹ ಗಜುಗದಾಟ
ಕಂಡವರ ಮನವನು ಅಪಹರಿಸುತಲಿ
ದಂಡಪ್ರಣವಗೊಂಬ ವಿರಿಂಚಾದಿಗಳಿಂದ ||
ಮಣ್ಣನೆತ್ತಿ ತನ್ನ ತಲೆಗೆ ತಿಕ್ಕಿದನು
ಮಣ್ಣಾಯಿತು ಮೈಯು ಪೀತಾಂಬರವು
ಮಣ್ಣ ಗಂಟು ಕಟ್ಟಿ ಉಪ್ಪು ಕೂಗಿದನು
ಮಣ್ಣ ಪಡೆದ ತಂದೆ ಪುರಂದರ ವಿಠಲ ||
***
ರಾಗ ಭೂರಿಕಲ್ಯಾಣಿ ಚಾಪು ತಾಳ (raga, taala may differ in audio)
pallavi
Adida ranganADida
anupallavi
rUDhiyoLage namma makkaLante
caraNam 1
maNNATa beDavo bukkacci mADa bEku aNNayya bArendu etti koNDu
eNNe otti bEga eredaLu kOpyamma kaNNige kADige iTTaLu kELayya
caraNam 2
tilakavu phaNeyali sarige koraLu thaLa thaLisuva karNa bhUSaNa uDidAra
hoLeva pItAmbara hegalinda olivudu jalaja nAbhanige kaDaga kAlasaragaLu
caraNam 3
mUru varuSagaLu muddu rangayyage mIrida kenduTi jollu bAyi
vArigeya makkaLa kUDa bIdiyali vArijanAbhanu naliyutalirutirda
caraNam 4
ceNDu buguri mattu kaNNa mucci kOlu kaNDu makkaLa saha gajugdADa
kaNDavara manavanu apaharisutali daNDa praNava komba virincAdigaLinda
caraNam 5
maNNanetti tanna talege tikkidanu maNNAyitu maiyu pItAmbaravu
maNNa gaNTu kaTTi uppu kUgidanu maNNa paDeda tande purandara viTTala
***
