ಆಚಾರ್ಯ ನಾಗರಾಜು ಹಾವೇರಿ......
ವಿಜಯೀ೦ದ್ರರ ಪಾಡಿರೊ ।
ಸುಜನರೆಲ್ಲರೂ ಮುದದಿ ।
ವಿಜಯೀ೦ದ್ರರ ಪಾಡಲು ।
ವಿಜಯ ಸಖ ಒಲಿವಾ ।। ಪಲ್ಲವಿ ।।
ವಿಬುಧೇಂದ್ರರೇ ವಿಠಲಾರ್ಯರು ।
ವಿಬುಧಮಣಿ ವಿಠಲಾರ್ಯರೇ -
ವಿಜಯೀದ್ರರು ।। ಅ ಪ ।।
ಗುರು ಸುರೇಂದ್ರರು ಕೇಳೇ ।
ಗುರು ವ್ಯಾಸಮುನಿಯು ಕೊಡೆ ।
ಗುರು ವಿಜಯೀ೦ದ್ರನಾಗಿ ।
ಗುರು ಸುಧೀಂದ್ರ ಪಿತನಾಗಿ -
ಮೆರೆದ ।। ಚರಣ ।।
ಚಾತುರ್ಯದಿ ಅಪ್ಪಯ್ಯನ ಜಯಿಸಿ ।
ಚತುರೋತ್ತರ ಶತ ಗ್ರಂಥ ವಿರಚಿಸಿ ।
ಚತುರಾಸ್ಯನುತನಿಗೆ ಮುದದಿ ಅರ್ಪಿಸಿ ।
ಚತುರಕುಲಜನಿಗೆ ಪ್ರಿಯರಾದ ।। ಚರಣ ।।
ವಿಜಯೀ೦ದ್ರತೀರ್ಥ ಶುಭತಮ ನಾಮವಿತ್ತರು ।
ವಿಜಯ ಶೀಲರಾದ ಸುರೇಂದ್ರರು ।
ನಿಜ ತತ್ತ್ವ ಸಿದ್ಧಾಂತ ಸ್ಥಾಪಿಸಿ ದುರ್ಮತ ।
ದುರ್ಜನ ದುರ್ವಾದ ಚೂರ್ಣ ಮಾಡಿದರು ।। ಚರಣ ।।
ವಿಜಯ ಸಖ ಮೂಲರಾಮೋSಭಿನ್ನ ।
ಅಜನ ಪಿತ ವೇಂಕಟನಾಥನ -
ಆರಾಧಕರು ।। ಚರಣ ।।
***
