ಕೂಗದೆ ಉಸುರಿಕ್ಕದೆ ನೀವು purandara vittala

ಪುರಂದರದಾಸರು
ರಾಗ ಪಂತುವರಾಳಿ ಅಟತಾಳ

ಕೂಗದೆ ಉಸಿರಿಕ್ಕದೆ, ನೀವು ,
ಬೇಗ ಬೇಗನೆ ಬನ್ನಿ , ರಂಗ ಮನೆಯ ಪೊಕ್ಕ ||ಪ||

ಸೂರಿ ಕೆಳಗೆ ನಿಂದಾರಿಸಿ ತನ್ನ
ವಾರಿಗೆಯ ಮಕ್ಕಳನು ಕೂಡಿಸಿ
ಹಾರಿ ಗೋಡೆಯ ಧುಮುಕಿ ಒಳಗೆ ಪೊಕ್ಕು
ಸೂರೆಗೊಳ್ಳುತಾನೆ ಸುಮ್ಮನೆ ಬನ್ನಿ ||

ಹೆಜ್ಜೆಗಳಿವೆ ನಮ್ಮ ಮನೆಯಲ್ಲಿ , ಕಾಲು-
ಗೆಜ್ಜೆಯ ಧ್ವನಿ ಕೇಳಿ ಬರುತಲಿದೆ
ನಿರ್ಜನರ ಕಂಡು ರಂಗ ಮನೆಯ ಪೊಕ್ಕು
ಮಜ್ಜಿಗೆಲೋಕುಳಿಯಾಡುವನಮ್ಮ ||

ಹಾಲು ಚೆಲ್ಲಿ ಹಳ್ಳ ಮುಂದೆ ಹರಿದಿದೆ
ಮೇಲೆ ಮೊಸರುಕೆನೆ ಚೆಲ್ಲಾಡಿದೆ
ಲೀಲೆ ಹೀಗೆ ಆಡುತಲೈದನೆ
ಬಾಳ ಚೋರ ಗುರು ಪುರಂದರವಿಠಲ ||
***

pallavi

kUgade usirikkade nIvu bEga bEgane banni ranga maneya pokka

caraNam 1

suri keLage nindArisi tanna vArigeya makkaLanu kUDisi

hAri goDeyanu dhumuki oLage pokku sure koLLutAne summane banni

caraNam 2

hejjagaLive namma maneyalli kAlu gejjeya dhvani kELi barutalite

nirjanara kaNDu ranga maneya pokku majjigelOguLiyADuva namma

caraNam 3

hAlu celli haLLa munde haridide mEle mosaru kene cellADive

lIle hIgeyADutalaidane bALa cOra guru purandara viTTala

***

ಕೂಗದೆ ಉಸುರಿಕ್ಕದೆ ನೀವು |
ಬೇಗನೆ ಬನ್ನಿ ರಂಗ ಮನೆಯ ಪೊಕ್ಕ ಪ

ಹೆಜ್ಜೆಗಳಿವೆಕೋ ಮನೆಯಲಿ-ಕಾಲ |ಗೆಜ್ಜೆಯ ದನಿ ಕೇಳಬರುತಲಿದೆ ||ನಿರ್ಜರಪತಿ ತನ್ನ ಮನಸಿಗೆ ಬಂದಂತೆ |ಮಜ್ಜಿಗೆ ಓಕುಳಿ ಆಡಿಹನಕ್ಕ 1

ಸೂರಿನ ಕೆಳಗೆ ಕುಳ್ಳಿರಿಸಿ-ತನ್ನ |ಓರಗೆ ಮಕ್ಕಳುಗಳ ನಿಲ್ಲಿಸಿ ||ಕೇರಿಕೇರಿಯಿಂದ ಗೋಡೆ ಧುಮುಕಿ ಪೋಗಿ |ಸೂರೆಗೊಳ್ಳುತಾನೆ ಸುಮ್ಮಗೆ ಬನ್ನಿ 2

ಹಾಲು ಚೆಲ್ಲಿ ಹಳ್ಳ ಹರಿದಿಹವೆ-ಮೊಸರ |ಮೇಲಿನ ಕೆನೆಗಳು ಬಳಿದಿಹವೆ ||ಬಾಲಚೋರ ಶ್ರೀ ಪುರಂದರವಿಠಲನು |ಚಾಲುವರಿದರಿನ್ನು ಬಿಡಬಾರದಕ್ಕ 3
*****