.. ..
ರಾಗ : ಮುಖಾರಿ ತಾಳ : ತ್ರಿವಿಡಿ
ಕಮಲ ಸಂಭವ ನಾಸಿಕಾ ।
ಸಂಭವ ಕಾಯೋ ।
ನಮಿಸುವೆ ನಿನಗೆ ನಾನು ।। ಪಲ್ಲವಿ ।।
ಅಂದು ಧರಿಣಿ ಜಲ ।
ವಂದಾಗಿ ಕರಗಿರೇ ।
ನಂದನ ಚಿಂತಿಸೆ ।
ಬಂದ ವರಾಹಮೂರ್ತಿ ।। ಚರಣ ।।
ಮಧುಪಾನಾವನ । ಸಾ ।
ದುದು ಅವನ ಚರ್ಮ ।
ಹೊದಿಸಿ ಹೆಪ್ಪುಗೊಟ್ಟು ।
ಮೇದಿನೆಂದಿನಿಸಿದೆ ।। ಚರಣ ।।
ಕನಕಲೋಚನ ಭೂಮಿಯನು
ಕದ್ದು ವೈಯ್ಯಲು ।
ಅನಿಮಿಷರೊಲಿಸೆ ಅವನ
ಕೊಂದುದ್ಧರಿಸಿದೆ ।। ಚರಣ ।।
ಕರುಣಾಕಟಾಕ್ಷದಿ
ಹೊರವಲ್ಲಿ ನಾನೆಲ್ಲಿ ।
ಸರಿಗಾಣೆ ನಿನಗೆ ಅಂತರ
ಬಹಿರದೊಳು ।। ಚರಣ ।।
ರಜೋಭಿಮಾನಿಯ
ವಡಿಯಾ ಸುಜನಪಾಲಾ ।
ಭುಜಗ ಗಿರಿಯ ವಾಸಾ
ವಿಜಯವಿಠ್ಠಲಾಧೀಶಾ ।। ಚರಣ ।।
***
