ವಧುವಾದೆ ಯಾರಿಗೆ ಮದನ ಗೋಪಾಲ ankita kamalanabha vittala

 ..

kruti by Nidaguruki Jeevubai

ವಧುವಾದೆ ಯಾರಿಗೆ ಮದನ ಗೋಪಾಲಗೊ

ಸುದತಿ ಯಶೋದೆ ನಂದ ಕಂದನಿಗೊ ಪ

ಶ್ರೀಶ ಶ್ರೀ ಕೇಶವ ನಾರಾಯಣನಿಗೊ

ಸೋಸಿಲಿ ಮಾಧವ ಗೋವಿಂದ ಹರಿಗೊ

ಸಾಸಿರ ನಾಮದ ವಿಷ್ಣು ಮಧುಸೂದನಗೊ

ಭೂಸುರ ಪಾಲ ತ್ರಿವಿಕ್ರಮ ವಾಮ£ಗೊ 1

ಮುದ್ದು ಮೂರುತಿ ಶ್ರೀಧರ ಹೃಷಿಕೇಶಗೊ

ಪದ್ಮನಾಭ ದಾಮೋದರಗೊ

ಶುದ್ಧಮನದಿ ಸಂಕರ್ಷಣ ವಾಸುದೇವಗೊ

ಪ್ರದ್ಯುಮ್ನ ಅನಿರುದ್ಧ ಮೂರುತಿಗೊ 2

ಪರಮ ಪುರುಷ ಪುರುಷೋತ್ತಮ ಅಧೋಕ್ಷಜಗೊ

ಹರುಷದಿ ನಾರಸಿಂಹ ಅಚ್ಚುತಗೊ

ಸರಸಿಜನಯನ ಜನಾರ್ದನುಪೇಂದ್ರಗೊ

ದುರಿತಕಳೆವ ಸಿರಿ ಹರಿ ಕೃಷ್ಣಗೊ 3

ಶಂಖು ಚಕ್ರ ಗದಾ ಪದ್ಮವು ಧರಿಸಿದ

ವೆಂಕಟರಮಣಗೊ ಶ್ರೀಹರಿಗೊ

ಪಂಕಜನಯನ ಶ್ರೀರಂಗನಾಥನಿಗೊ

ಬಿಂಕದಿ ಪಾಂಡುರಂಗ ವಿಠ್ಠಲಗೊ 4

ಘನಮಹಿಮ ಮನು ಕಂಚಿ ವರದರಾಜನಿಗೊ

ಇನಕುಲ ತಿಲಕ ಶ್ರೀರಾಮಚಂದ್ರನಿಗೊ

ವನಿತೆಯರೊಡಗೂಡಿ ಮೆರೆವ ಕೃಷ್ಣನಿಗೊ

ವನಜಾಕ್ಷ ಪಶ್ಚಿಮ ರಂಗಧಾಮನಿಗೊ 5

ಬಗೆ ಬಗೆ ನಾಮಗಳಿಂದ ಪೂಜೆಯಗೊಂಬ

ಅಗಣಿತ ಮಹಿಮಗೊ ಆಶ್ಚರ್ಯಗೊ

ಖಗವಾಹನ ಕರಿರಾಜ ವರದಗೊ

ನಿಗಮವೇದ್ಯ ನಿತ್ಯ ತೃಪ್ತನಿಗೊ 6

ಶ್ರದ್ಧೆಯಿಂದಲಿ ತನ್ನ ಭಜಿಪ ಭಕ್ತರ ಕಾಯ್ವ

ರೌದ್ರಿನಾಮ ಸಂವತ್ಸರದಿ

ಮುದ್ದು ಮೂರುತಿ ಕಮಲನಾಭ ವಿಠ್ಠಲನಿಗೆ

ಪದ್ಮಾಕ್ಷಿ ವನಮಾಲೆ ಹಾಕಿದೆಯಾ 7

***