ವಸುದೇವ ಸುತನಿಗೆ ನಮೋ ನಮೋ
ನಮ್ಮ ವಸುಧೆ ಪಾಲಕನಿಗೆ ನಮೋ ನಮೋ || pa ||
ಮಚ್ಚಾವತಾರಗೆ ಮೊದಲೆ ಮಂಗಳವೆಂದು
ಸಾಕ್ಷಾತ ಕೂರ್ಮಗೆ ನಮೋ ನಮೋ
ಸುತ್ತಿ ಸುರುಳಿ ಭೂಮಿ ಒಯ್ದ್ಹಿರಣ್ಯಾಕ್ಷನ
ಪ್ರಾಣ್ಹತ್ಯ ಮಾಡಿದ ವರಾಹ ನಮೋ ನಮೋ || 1 ||
ಕೂಸು ಕರೆಯೆ ಕಂಬದಿಂದ ಬಂದ್ಹಿರಣ್ಯ-
ಕಶ್ಯಪನ ಕೊಂದ್ಹರಿಗೆ ನಮೋ ನಮೋ
ಆಕಾಶವ್ಹಿಡಿಯದೆ ಬೆಳದು ಬಲಿಯ ಭಾಗ್ಯ
ಆಕ್ರಮಿಸಿದಾತಗೆ ನಮೋ ನಮೋ || 2||
ಪೊತ್ತು ಕೊಡಲಿ ಕ್ಷತ್ರಿಯರ ಕಡಿದ
ಸಮರ್ಥ ಭಾರ್ಗವ ನಮೋ ನಮೋ
ಹತ್ತು ಶಿರಗಳ ಕೊಂದು ಸೀತಾಸಮೇತನಾದ
ಪೃಥಿವಿ ಪಾಲಕ ರಾಮ ನಮೋ ನಮೋ || 3 ||
ಬೆರಳಲಿ ಗೋವರ್ಧನ ಎತ್ತ್ಯಾಕಳಕಾಯ್ದ
ಕೊಳಲನೂದುವ ಕೃಷ್ಣ ನಮೋ ನಮೋ
ತರಳರೂಪದಿ ತ್ರಿಪುರದ ದುರುಳರನೆಲ್ಲ
ಮರುಳು ಮಾಡಿದ ಬೌದ್ಧ ನಮೋ ನಮೋ || 4 ||
ಮುದ್ದು ತೇಜಿಯನೇರಿ ಕಲಿಗಳ ಕಡಿದಂಥ
ಕಲ್ಕ್ಯಾವತಾರಗೆ ನಮೋ ನಮೋ
ಶುದ್ಧ ವೈಷ್ಣವರಿಗೆ ಸುಲಭದಿಂದೊಲಿದು
ಮುಕ್ತಿ ಕೊಡುವೊ ಭೀಮೇಶ ಕೃಷ್ಣಗೆ ನಮೋ ನಮೋ || 5 ||
***
Vasudēva sutanige namō namō
nam’ma vasudhe pālakanige namō namō || pa ||
maccāvatārage modale maṅgaḷavendu
sākṣāta kūrmage namō namō
sutti suruḷi bhūmi oyd’hiraṇyākṣana
prāṇhatya māḍida varāha namō namō || 1 ||
kūsu kareye kambadinda band’hiraṇya-
kaśyapana kond’harige namō namō
ākāśavhiḍiyade beḷadu baliya
bhāgya ākramisidātage namō namō || 2||
pottu koḍali kṣatriyara kaḍida
samartha bhārgava namō namō
hattu śiragaḷa kondu sītāsamētanāda
pr̥thivi pālaka rāma namō namō || 3 ||
beraḷali gōvardhana ettyākaḷakāyda
koḷalanūduva kr̥ṣṇa namō namō
taraḷarūpadi tripurada duruḷaranella
maruḷu māḍida baud’dha namō namō || 4 ||
muddu tējiyanēri kaligaḷa kaḍidantha
kalkyāvatārage namō namō
śud’dha vaiṣṇavarige sulabhadindolidu
mukti koḍuvo bhīmēśa kr̥ṣṇage namō namō || 5 ||
***
