ಶ್ರೀ ಲಕ್ಷ್ಮೀ ಸ್ತುತಿ
ರಚನೆ : ಆಚಾರ್ಯ ನಾಗರಾಜು ಹಾವೇರಿ
ಮುದ್ರಿಕೆ : ವೆಂಕಟನಾಥ
ಕಮಲ ಕೋಮಲೆ ಕಮಲಾಲಯೇ ।
ಕಾಮಿತಾರ್ಥವ ಕೊಡುವ -
ಸುರಧೇನು ಅಮ್ಮಾ ।। ಪಲ್ಲವಿ ।।
ದುರ್ಗಾ ದುರ್ಗಮವಾದ -
ದುರಿತಗಳೆಲ್ಲ ಪರಿಹರಿಪ ।। ಅ. ಪ ।।
ಇಂದಿರಾ ಇಂದೀವರಾಕ್ಷೀ -
ಸಲಹಮ್ಮಾ ।
ಮಂದರೋದ್ಧಾರನ ವಕ್ಷಸ್ಥಲ
ವಾಸಿ ಕಾಯೇ ।। ಚರಣ ।।
ಜಗನ್ಮಾತೆ ಜಗತ್ಪತಿಯ ರಾಣೀ ।
ಜಗದುದರ ಜಗದೇಕ-
ನಾಥನ ಪ್ರಿಯೇ ।। ಚರಣ ।।
ಜಗದ್ದಾತ ಜಗತ್ತ್ರಾಣನ ತಾಯೇ ।
ಜಗದ್ಭರ್ತ ಜಗದ್ಬುಕು
ವೆಂಕಟನಾಥನ ಹೃದಯವಲ್ಲಭೇ ।। ಚರಣ ।।
****
" ವಿವರಣೆ "
ಕಮಲ = ಸಾತ್ವಿಕ ಸಂಪತ್ತನ್ನು ಕೊಡುವವಳು
" ಕಮಲಾಲಯೇ "
ಸಜ್ಜನರಾದ ಶ್ರೀ ಹರಿಯ ಭಕ್ತರಿಗೆ ಆಶ್ರಯದಾತಳು
ಸುರಧೇನು = ಕಾಮಧೇನು
" ದುರ್ಗಾ "
ಸುಜೀವಿಗಳಿಗೆ ಸದಾ ಸರ್ವತ್ರ ಅಭಯ ಸ್ಥಾನವಾದ ಕೋಟೆಯಂತೆ ರಕ್ಷಕಳಾಗಿರುವವಳು
ಇಂದಿರಾ = ಶ್ರೇಷ್ಠತ್ವವನ್ನು ಕೊಡುವವಳು
ಇಂದೀವರಾಕ್ಷೀ = ತಾವರೆಯಂತೆ ಕಣ್ಣುಗಳುಳ್ಳವಳು
ಜಗತ್ಪತಿ = ಶ್ರೀಮನ್ನಾರಾಯಣ
" ಜಗದುದರ "
ಜಗತ್ತನ್ನೆಲ್ಲ ತನ್ನ ಹೊಟ್ಟೆಯಲ್ಲಿಟ್ಟು ಕೊಂಡವನು ( ಶ್ರೀ ಹರಿ )
ಜಗದೇಕನಾಥ = ವಿಶ್ವದೊಡೆಯ
ಜಗದ್ಧಾತ = ಜಗತ್ತನ್ನು ಸೃಷ್ಟಿಸುವ ಶ್ರೀ ಚತುರ್ಮುಖ ಬ್ರಹ್ಮದೇವರು
ಜಗತ್ತ್ರಾಣ = ಜಗತ್ತಿಗೆ ಬಲ ಕೊಡುವವನು
ಜಗದ್ಭರ್ತ = ವಿಶ್ವಮಯನೂ, ವಿಶ್ವ ವ್ಯಾಪಕನೂ ಆದ ಶ್ರೀ ಹರಿ
" ಜಗದ್ಭುಕು "
ಪ್ರಳಯ ಕಾಲದಲ್ಲಿ ಇಡೀ ಜಗತ್ತನ್ನೇ ನುಂಗುವ ಭಕ್ಷಕ ( ಶ್ರೀ ಹರಿ )
ಗುರು ವಿಜಯ ಪ್ರತಿಷ್ಠಾನ
****
