ಅಮ್ಮ ಅಂಜಿಪ ಅದಭುತ ರೂಪನೆ
ದಮ್ಮಯ್ಯ ಎನ್ನುವೆ ಆತನ ಕಳುಹೆ ||ಅ ಪ||
ಗೂಳಿಯನೇರಿ ಬಂದಿಹನಮ್ಮ
ಗಜಚರ್ಮ ಧರಿಸಿ, ಶೂಲವ ಕೈಯಲಿ ಪಿಡಿದಿಹನಮ್ಮ
ಕಾಳಸರ್ಪವು ಕೊರಳೊಳಗಮ್ಮ
ಫಾಲದಿ ಕೆಂಡವ ಸುರಿಸುವನಮ್ಮ||೧||
ಉರಿಮುಖ ಗಡ್ಡ ಕೆಂಜಟೆಗಳು
ಕೈಯಲ್ಲಿ ನೋಡೆ, ಹಿಡಿದ ಬ್ರಹ್ಮನ ಶಿರದ ಹೋಳು
ಕಡಿದ ತಲೆಗಳು ಕೊರಳೊಳಗಮ್ಮ
ಬಳಿದ ವಿಭೂತಿಯ ರೂಪ ನೋಡಮ್ಮ||೨||
ಮೂರು ರೂಪದಲಿರುವನಮ್ಮ
ಕಣ್ಣಲ್ಲಿ ನೋಡೆ, ಮೂರು ಲೋಕವ ಸುಡುವನಮ್ಮ
ಮಾರಜನಕ ನಮ್ಮ ವಿಜಯ ವಿಠಲನ
ಊರೂರಲಿ ತಾ ಹುಡುಕುವನಮ್ಮ||೩||
*********
