ಹ್ಯಾಂಗಾದರ್ಹಾಂಗಾಗಲಿ ಎನ್ನಿಂಗಿತವ ನೀ ಬಲ್ಲೆ ರಂಗಯ್ಯ ankita uragadrivasa vittala

ಹ್ಯಾಂಗಾದರ್ಹಾಂಗಾಗಲಿ ಎ-

ನ್ನಿಂಗಿತವ ನೀ ಬಲ್ಲೆ ರಂಗಯ್ಯಪ

ರಂಗಾ ನಿನ್ನಂತರಂಗ ಏಕಾಂತ ಭಕುತರ ಸಂಗ

ಮಂಗಳಾಂಗ ನೀ ಕೊಟ್ಟು ಸಲಹೋ ಶುಭಾಂಗ ಅ-

ನಂಗಜನಕ ಭುಜಂಗಶಯನ ಮಾ-

ತಂಗವರದ ಶ್ರೀ ರಂಗನಾಥನೇ1

ದೇವಾ ನಾ ಸದ್ಭಾವದಲ್ಲಿ ನಿನ್ನ ಪಾದ

ಪದುಮ ನಿರುತ ಧೇನಿಸುವೆ ಪವಮಾನ

ಜೀವೋತ್ತಮ ನೀ ಧರ್ಮೋತ್ತಮನೆನ್ನುವ

ಭಾವ ಎನಗಾವಕಾಲದಿ ಇರಲಿ

ಬೇಡೆನು ಇತರ ಸಂಪದವಾ 2

ಶ್ರೀಶಾ ಶ್ರೀ ವೆಂಕಟೇಶ ನಿರ್ದೋಷ ಗುಣ

ಸಂಪೂರ್ಣದಿಂದಿಹ ವೇಷ ಶೇಷಾದ್ರಿಮಂದಿರ

ವಾಸನೆ ನಿನ್ನ ದಾಸಜನಭವಪಾಶ ಕ್ಲೇಶ-

ನಾಶನವ ಗೈಸಿ ಸಲಹುವುದು ಶೇಷಶಯನ ಶ್ರೀ ರಂಗಶಾಯಿ 3

****