ಜೋ ಜೋ ಜೋ ಜೋ ರಂಗಧಾಮ
ಜೋ ಜೋ ಜೋ ಜೋ ರಣಭೀಮ || ಪ ||
ಜೋ ಜೋ ಭಕ್ತರ ಕಷ್ಟ ನಿರ್ಧೂಮ
ಜೋ ಜೋ ದಶರಥ ರಾಮ ನಿಸ್ಸೀಮ || ಅ.ಪ. ||
ಭೂಮಿಯ ಚಿನ್ನದ ತೊಟ್ಟಿಲ ಮಾಡಿ
ಸೋಮ ಸೂರ್ಯರೆಂಬ ಕಲಶವ ಹೂಡಿ
ನೇಮದಿ ವೇದಗಳ ಸರಪಣಿ ಮಾಡಿ
ಆ ಮಹಾಕಾಶಕ್ಕೆ ಕೊಂಡಿಗಳ ಹಾಕಿ || 1 ||
ಸರಸಿಜೋದ್ಭವ ಸರಸ್ವತಿ ಭಾರತಿ
ಗರುಡ ಶೇಷ ರುದ್ರರಿವರ ಸತಿಯರು
ಸುರರ ಕಿನ್ನರರು ಕಿಂಪುರುಷ ನಾರದರು
ಪರಿ ಪರಿ ಗೀತದಿ ತುತಿಸಿ ಪಾಡಿದರು || 2 ||
ವಸುದೇವ ಸುತನಾದ ಮುದ್ದು ಮುರಾರಿ
ಅಸುರೆ ಪೂತನಿಯ ಪ್ರಾಣಾಪಹಾರಿ
ಅಸಮ ಸಾಹಸಮಲ್ಲ ದೈತ್ಯರ ವೈರಿ
ಶಿಶುವಾಗಿ ದೇವಕೀಗಾನಂದ ತೋರಿ || 3 ||
ಜಗವನು ಹೊಟ್ಟೆಯೊಳಿಂಬಿಟ್ಟೆ ತ್ರುವ್ವಿ
ಜಗವೆಲ್ಲ ನಿರ್ಮಾಣ ಮಾಡಿದೆ ತ್ರುವ್ವಿ
ನಿಗಮ ಗೋಚರ ನಿತ್ಯಾನಂದನೆ ತ್ರುವ್ವಿ
ಮಗುವೆಂದು ನಾವ್ ತೂಗಬಲ್ಲೆವೆ ತ್ರುವ್ವಿ || 4 ||
ತಮನ ಮರ್ದಿಸಿ ವೇದತತಿಗಳನು ತಂದೆ
ಸುಮನ ಸರಿಗಾಗಿ ಮಂದರ ಪೊತ್ತು ನಿಂದೆ
ಕ್ಷಮೆಗಾಗಿ ಪೋಗಿ ಹಿರಣ್ಯಕನ ಕೊಂದೆ
ನಮಿಸಿ ಕರೆದರೆ ಕಂಬದಿಂದ್ಹೊರಟು ಬಂದೆ || 5 ||
ತರಳನಾಗಿ ಬಲಿಯ ದಾನವ ಬೇಡ್ದೆ
ಪರಶು ಧರಿಸಿ ಕ್ಷತ್ರಿಯರ ಸವರಿದೆ
ದುರುಳ ರಾವಣನ ಶಿರವ ಚೆಂಡಾಡಿದೆ
ಚರಿಸಿ ಮನೆಗಳ ಪಾಲ ಮೊಸರನ್ನು ಕುಡಿದೆ || 6 ||
ಬುದ್ಧನಾಗಿ ಪತಿವ್ರತೆರನಾಳಿದೆಯಲ್ಲ
ಮುದ್ದು ತುರಗವನೇರಿ ಕಲ್ಕ್ಯನಾದ್ಯಲ್ಲ
ಪದ್ಮನಾಭ ಸರಿ ಭಕ್ತ ವತ್ಸಲ ನಿದ್ರೆಯ
ಮಾಡಯ್ಯ ಶ್ರೀ ರಂಗವಿಠಲ || 7 ||
***
Jo jo jo jo jo rangadhaama |
jo jo jo jo jo ranabheema || pa ||
Jo jo bhaktara kashta nirdhooma |
jo jo dasharatha raama nissima || a. Pa. ||
Bhoomiya cinnada tottila maadi | soma sooryaremba kalashava hoodi |
nemadi vedagala sarapani maadi | aa mahaakaashakke kondiya haaki jo || 1 ||
Sarasijodbhava saraswati bhaaratiyaru | garuda shesha rudrarivara satiyaru ||
suraru kinnararu kimpurusha naaradaru | pari pari geetadi tutisi paadidaru jo jo || 2 ||
Vasudeva sutanaada muddu muraari | asure pootaniya praanaapahaari ||
asama saahasa malla daityara vairi | shishuvaagi devakigaananda tori jo jo || 3 ||
Aagamavanu hotteyolimbitte truvvi | jagavanella nirmaana maadide truvvi ||
nigama gochara nityaanandane truvvi | maguvenmdu naav toogaballevu truvvi jo jo || 4 ||
Tamana mardisi veda tatigalanu tande | sumanasarigaagi mandara pottu ninde |
kshamegaagi pogi hiranyakana konde | namisi karedare kambadind~horatu bande jo jo || 5 ||
Taralanaagi baliya daanava bedide | parashu dharisi kshatriyara savaride ||
durula raavanana shirava chendaadide |charisi manegala paalu mosaranna kudide jo jo || 6 ||
Buddhanaagi pativruteyaranaalideyalla | muddu turagavaneri kalkyanaadyalla ||
padmanaabha siri bhaktavatsala | nidreya maadayya shreerangaviththala jo jo || 7 ||
***
