ಮಂತ್ರಾಲಯವಾಸ ಶ್ರೀ ರಾಘವೇಂದ್ರ ankita nagashayanavittala

 ankita ನಾಗಶಯನವಿಠಲ

ರಾಗ: ಶಂಕರಾಭರಣ  ತಾಳ: ಝಂಪೆ

ಮಂತ್ರಾಲಯವಾಸ ಶ್ರೀ ರಾಘವೇಂದ್ರ  ಪ

ಮಂತ್ರತಂತ್ರಾನಂತ ಮರುತಾಂತರ್ಗತಪ್ರೀಯ  ಅ. ಪ

ಭೂತ ಪ್ರೇತ ಕಳೆದು ಶ್ರೀಪತಿ ಒಲುಮೆಯ

ಸತತ ಪೊಂದಿ ನೀನು ಕರುಣಾಳು ಎಂದೆನಿಸಿ

ಪಾತಕಹರ ವಾಯುವಾಂತರ್ಗತನನೂ ಚಂದದಿ 

ತುತಿಸಿ ನೀ ಮೆರೆದೆಯೊ ಕ್ಷಿತಿಯೊಳು 

ತುತಿಸೆ ನಿನ್ನನು ಭಕುತ ವೃಂದವು 

ಮಿತಿಯು ಇಲ್ಲದೆ ವರಗಳೀಯುತ 

ಖ್ಯಾತಿ ಪಡುತಿಹೆ ಕ್ಷಿತಿಯೊಳಗೆ 

ಪ್ರತಿದಿನದಿ ಸಿರಿಪತಿಯ ಕರುಣದಿ  1

ಮಂಗಳ ದ್ವಿತಿಯ ಬಹುಳ ಶ್ರಾವಣದಲ್ಲಿ

ಪೊಂದಿ ರಂಗನ ಸಂಗ ನಿಂದೆ 

ಡಿಂಗರ ಪ್ರೀಯ ಅಂದು ಇಂದು ಮುಂದು 

ಸಂತ ವೃಂದವು ನಿನ್ನ ಹಿಂದು ಮುಂದು ನಿಂದು 

ಕಂಬು ಕೊಂಬನು ಊದೆ

ಮಿಂದು ಸಂತತ ಶರಧಿಯೊಳು ನಿ-

ರಂತರದಿ ಸಂಗೀತ ಪೇಳುತ ಚಂದದಲಿ ಅ-

ಲಂಕೃತರಂತರ್ಗತ ಗುರುವೆ ನಿನ್ನನು ಭಜಿಸುತಿಹರು  2

ಸುರಪನಾಲಯವೆಂದು ಧರೆಯೊಳ್ ಈ ಕ್ಷೇತ್ರವು

ಗುರು ನಿನ್ನ ಪ್ರಭೆಯೊಳು ಖ್ಯಾತಿ ಪೊಂದಿತು ಇನ್ನು

ಪರಮ ದಾಸರು ನಿನ್ನ ಪರಿ ಪರಿ ತುತಿಸುತ 

ತ್ರಿಜಗದೊಳ್ ನಿನ್ನಯ ಕೀರ್ತಿ ಸಾರ್ದರು 

ಗುರುವೆ ಸ್ಮರಿಸಲ್ನರರ್ನಿನ್ನ ಭವದ 

ಶರಧಿಯೊಳ್ ಹರಿಯ ಸ್ಮರಣೆಯ 

ನೆರವನೀನಿತ್ತು ನಾಗಶಯನ(ವಿಠಲ) ಪೂರ್ಣ ನೋಟದಿ 

ಹರಿಯುವಿಯೊ ಕರೆಕರೆಯ ಪಾಶವ  3

****