ಮಂದರಧರ ದೇವ ಮೊರೆಹೊಕ್ಕವರ ಕಾಯ್ವ purandara vittala

 ರಾಗ –  :  ತಾಳ –

ಮಂದರಧರ ದೇವ ಮೊರೆಹೊಕ್ಕವರ ಕಾಯ್ವ ll ಪ ll 

ಮಂದಾಕಿನಿಯ ಪಿತ ಮಾವ ಕಂಸನ ಹೃತ l

ಸುಂದರ ಶಶಿವದನ ರಂಗಯ್ಯ ll ಅ ಪ ll 

ಕಣ್ಣು ನೋಟದಿ ಚೆಲುವ, ಕಮಠರೂಪದಿ ನಲಿವ l

ಹೆಣ್ಣ ಮೊರೆಯ ಕೇಳಿ ಹಿರಣ್ಯನುದರ ಸೀಳಿ l

ಮಣ್ಣು ಬೇಡಿ ಬೆಳೆದೆ - ಕೃಷ್ಣಯ್ಯ ll

ಹೊನ್ನ ಕೊಡಲಿಯ ಪಿಡಿದು ಹತ್ತುಗ್ರೀವನ ಕಡಿದು l

ಚಿಣ್ಣರ ಒಡಗೂಡಿ ಚಪಲೆಯರ ವ್ರತಗೆಡಿಸಿ l

ಚೆನ್ನರಾವುತನಾದೆಯೊ - ರಂಗಯ್ಯ ll ೧ ll

ಗೋಚರನಂದದಲಿ - ಗಿರಿಯ ತಾಳಿದೆ ಬೆನ್ನಿನಲಿ l

ಭೂಚೋರನ ಕೊಂದು ಬಾಲ ಕರೆಯಲು ಬಂದು l

ಯಾಚಕ ನೀನಾದೆ - ರಂಗಯ್ಯ ll

ಸೂಚತನ ಸುತಗೊಲಿದು ಶರಧಿಯ ಕಟ್ಟಿ ಮೆರೆದೆ l

ಕೀಚಕಹತಪೋಷ ಖೇಚರಪುರವಾಸ l

ನೀಚಜನರ ತರಿದೆ - ರಂಗಯ್ಯ ll ೨ ll

ವನವನಲೆದು ಬಂದ - ವನಿತೆರತ್ನವ ತಂದ l

ಘನಕಂಬದಿಂದ ಬಂದು ಗರುವ ಮುರಿದು ಬಲಿಯ l

ಜನನಿಯ ಶಿರವರಿದೆ - ರಂಗಯ್ಯ ll

ಹನುಮವಂದಿತಪಾದ ಹರುಷ ಪಾಂಡವವರದ l

ಮನಸಿಜವೈರಿಗೊಲಿದು ಮಹಾಕಲಿಕಿಯಾದೆ l

ಘನಪುರಂದರವಿಟ್ಠಲ - ರಂಗಯ್ಯ ll ೩ ll

**