ಕೊಡು ಕಂಡೆಯಾ ಕಂಡ್ಯ ಹರಿಯೆ ನಿನ್ನ ನಾಮ purandara vittala

ಪುರಂದರದಾಸರು
ರಾಗ ಭೈರವಿ ಛಾಪುತಾಳ

ಕೊಡು ಕಂಡ್ಯ ಹರಿಯೆ , ಬಿಡೆ ನಿನ್ನ ನಾಮವ ||ಪ||
ಬಡವ ನಾನೆಂದು ನಿನ್ನ ಕಾಡುವನಲ್ಲವೊ ||ಅ||

ಒಡಲು ತುಂಬದು ಎಂದು ಬಳಲಿಸಬರಲಿಲ್ಲ
ಸಡಗರದ ಭಾಗ್ಯ ಬೇಡಲಿಲ್ಲ
ಮಡದಿ ಮಕ್ಕಳಿಗಾಗಿ ಕಡುಮೋಹ ಎನಗಿಲ್ಲ
ಬಿಡದೆ ನಿನ್ನಯ ನಾಮಸ್ಮರಣೆಯೊಂದೇ ಸಾಕೊ ||

ಸ್ನಾನ ಮೌನ ಜಪ ತಪಗಳು ಎನಗಿಲ್ಲ
ಮೌನನಾದೆನೋ ನಿನ್ನ ಧ್ಯಾನದಿಂದ
ದೀನರಕ್ಷಕ ನೀನೆ ದಯದಿಂದಲೆನ್ನನು
ಧ್ಯಾನಶುದ್ಧಿಯನಿತ್ತು ಸಲಹಯ್ಯ ಹರಿಯೆ ||

ಬಲೆಗೆ ಸಿಲುಕಿದ ಮೃಗದಂತೆ ಬಾಯಿ ಬಿಡುತ
ಅಲಸಿ ಕೋಟಲೆ ಸಂಸಾರದಿಂದ
ತಲೆಹುಳುತ ನಾಯಂತೆ ಬಯಲಾಸೆಗೆ ಸಿಲುಕಿದೆ
ಸಲಹೊ ದೇವರ ದೇವ ಪುರಂದರವಿಠಲ ||
***

pallavi

koDu kaNDya hariyE biDE ninne nAmava

anupallavi

baDava nAnendu ninna kADuvanallavO

caraNam 1

oDalu tumbadu endu baLalisa baralilla saDagarada bhAgya bEDalilla

maDadi makkaLigAgi kaDu mOha enagilla biDade ninnaya nAma smaraNeyonde sAkO

caraNam 2

snAna mauna japa tapagaLu enagilla maunanAdeno ninna dhyAnadinda

dIna rakSaka nIne dayadindalennanu dhyAna shuddhiyanittu salahayya hariyE

caraNam 3

balage silukida mrgadante bAyi biDuta alasi koDale samsAradinda

tale huLuta nAyante bayalAsege silukide salaho dEvara dEva purandara viTTala

***

ಕೊಡು ಕಂಡೆಯಾ ಹರಿಯೆ ನಿನ್ನ ನಾಮ-|
ಕೊಡು ಕಂಡೆಯಾ ಹರಿಯೆ ಪ

ಬಡವ ನಾನೆಂದು ಕಾಡಲಿಲ್ಲ ಹರಿಯೆ ಅ.ಪ

ಒಡಲುತುಂಬದು ಎಂದು ಬಳಲಿಸೆ ಬರಲಿಲ್ಲ |
ಸಡಗರದಿಂ ಭಾಗ್ಯ ಬೇಡಲಿಲ್ಲ ||
ಮಡದಿ-ಮಕ್ಕಳಿಗಾಗಿ ಕಡು ಮೋಹವೆನಗಿಲ್ಲ |
ಬಿಡದೆ ನಾಮಸ್ಮರಣೆ ಕೊಡು ಒಂದೇ ಸಾಕೊ 1

ಸ್ನಾನ-ಮೌನ ಜಪ-ತಪಗಳು ಎನಗಿಲ್ಲ |
ನಾನಾಯೋನಿಗಳಲ್ಲಿ ಬಳಲಿ ಬಂದೆ ||
ದೀನರಕ್ಷಕ ನೀನೆ ದಯದಿಂದಲೆನಗಿನ್ನು |
ಧ್ಯಾನಸುಧೆಯನಿತ್ತು ಸಲಹಯ್ಯ ಹರಿಯೆ 2

ಬಲೆಗೆ ಸಿಲುಕಿದ ಮೃಗದಂತೆ ಬಾಯ್ಬಿಡುತಲಿ |
ಅಲಸಿ ಕೋಟಲೆಯ ಸಂಸಾರದಿಂದ |
ತಲೆಹುಳಿತ ನಾಯಂತೆ ಬಯಲಾಸೆಗೆ ಸಿಲುಕಿದೆ |
ಸಲಹೊ ದೇವರ ದೇವಪುರಂದರವಿಠಲ3
*******