- ಗೋಪಾಲ ಕೃಷ್ಣ ಅಡಿಗ
ಅಳುವ ಕಡಲೊಳು ತೇಲಿ ಬರುತಲಿದೆ ನಗೆಯ ಹಾಯಿ ದೋಣಿ
ಬಾಳ ಗಂಗೆಯ ಮಹಾಪೂರದೊಳು ಸಾವಿನೊಂದು ವೇಣಿ ||
ನೆರೆತಿದೆ ಬೆರೆತಿದೆ ಕುಣಿವ ಮೊರೆವ ತೆರೆ ತೆರೆಗಳೋಣಿಯಲ್ಲಿ
ಜನನ ಮರಣಗಳ ಉಬ್ಬು ತಗ್ಗು ಹೊರಳುರುಳು-ವಾಟವಲ್ಲಿ
ಆಸೆ ಬೂದಿ ತಳದಲ್ಲೂ ಕೆರಳುತಿದೆ ಕಿಡಿಗಳೆನಿತೊ ಮರಳಿ
ಮುರಿದು ಬಿದ್ದ ಮನ ಮರದ ಕೊರಡೊಳು ಹೂವು ಹೂವು ಅರಳಿ
ಕೂಡಲಾರ-ದೆದೆಯಾಳದಲ್ಲು ಕಂಡೀತು ಏಕ ಸೂತ್ರ
ಕಂಡುದುಂಟು ಬೆಸೆ ಬೆಸೆಗಳಲ್ಲು ಭಿನ್ನತೆಯ ವಿಕಟ ಹಾಸ್ಯ
ಆಸೆ ಎಂಬ ತಳವೊಡೆದ ದೋಣಿಯಲಿ ದೂರ ತೀರ ಯಾಣ
ಯಾರ ಲೀಲೆಗೋ ಯಾರೋ ಏನೋ ಗುರಿ ಇರದೆ ಬಿಟ್ಟ ಬಾಣ
ಇದು ಬಾಳು ನೋಡು ಇದ ತಿಳಿದೆದೆನೆಂದರೂ ತಿಳಿದ ಧೀರನಿಲ್ಲ
ಹಲವುತನದ ಮೈ ಮರೆಸುವಾಟವಿದು ನಿಜವು ತೋರದಲ್ಲ
ಬೆಂಗಾಡು ನೋಡು ಇದು ಕಾಂಬ ಬಯಲು ದೊರಕಿಲ್ಲ ಆದಿ ಅಂತ್ಯ
ಅದ ತಿಳಿದೆನೆಂದ ಹಲರುಂಟು ತಣಿದೆನೆಂದವರ ಕಾಣೆನಯ್ಯ
ಅರೆ ಬೆಳಕಿನಲ್ಲಿ ಬಾಳಲ್ಲಿ ಸುತ್ತಿ ನಾವೆಷ್ಟೋ ಮರೆತು ಮೆರೆದು
ಕೊನೆಗೆ ಕರಗುವೆವು ಮರಣ ತೀರ ಘನ ತಿಮಿರದಲ್ಲಿ ಬೆರೆತು
***
- Gopala krishna adiga
aLuva kaDaloLu tEli barutide nageya hAyi dONi
bALa gangeya mahApooradoLu sAvinondu vENi ||
neretide beretide kuNiva moreva tere teregaLONiyalli
janana maraNagaLa ubbu taggu horaLuruLu-vATavalli
Ase bUdi taLadallU keraLutive kiDigaLenito maraLi
muridu bidda mana marada koraDoLu hoovu hoovu araLi
kooDalAra-dedeyALadallu kanDeetu Eka sUtra
kanDudunTu bese besegaLallu bhinnateya vikaTa hAsya
Ase emba taLavoDeda dONiyali doora teera yANa
yAra leelegO yArO EnO guri irade biTTa bANa
idu bALu nODu ida tiLidenendarU tiLida dheeranilla
halavu tanada mai maresuvATavidu nijavu tOradalla
bengADu nODu idu kAmba bayalu dorakilla Adi antya
ada tiLidenenda halarunTu taNide-nendavara kANenayya
are beLakinalli bALalli sutti nAveshTO maretu meredu
konege karaguvevu maraNa teera ghana timiradalli beretu
***
