" ಶ್ರೀ ಮುಖ್ಯಪ್ರಾಣದೇವರ ಸ್ತುತಿ "
ಚಿಂತ್ರವೇಲಿ ನಿಲಯಾ ।
ಭಾರತೀ ।
ಕಾಂತನೇ ಪಿಡಿ
ಕೈಯ್ಯಾ ।। ಪಲ್ಲವಿ ।।
ಅಂತರಂಗದಲಿ
ಚಿಂತಿಪ ರಘುಕುಲ ।
ಧ್ವಾ೦ತ ದಿವಾಕರ
ಸಂತತ ಸ್ಮರಿಸುವೆ ।। ಅ ಪ ।।
ಲಂಘಿಸಿ ವಾರಿಧಿಯಾ । ಶ್ರೀ ರಾ ।
ಮಾಂಗುಲಿ ಮುದ್ರಿಕೆಯಾ ।
ಅಂಗನೆಗೆ ಕೊಟ್ಟು
ಮಂಗಳಾಂಗ । ರಘು ।
ಪುಂಗವಗೆ ಕುಶಲ
ಸಂಗತಿ ತಿಳಿಸಿದ ।। ಚರಣ ।।
ಇಂದುಕುಲದಿ ಜನಿಸೀ ।
ಕುಂತಿಯ ।ಕಂದ ಭೀಮನೆನಿಸಿದಾ ।
ನಿಂದು ರಣದಿ ಕುರು ವೃಂದವ ।
ಮಥಿಶ್ಯಾ ।ನಂದ ಸೂತನೊಲಿಮೆ
ಛಂದದಿ ಪಡೆದಿಹ ।। ಚರಣ ।।
ಮೇದಿನಿಯೊಳು ಜನಿಸೀ ।
ಬಹು ದು ।
ರ್ವಾದಿಗಳನು ಜಯಿಸೀ ।
ಮೋದಮುನಿ ಯೆನಿಸಿ
ಭೇಧವ ಬೋಧಿಸಿ ।
ಸಾಧು ಜನಕೆ ಬಲು
ಮೋದವಗರೆದಿ ।। ಚರಣ ।।
ಶೇಷದಾಸರಿಗೊಲಿದೀ ।
ಅವರಭಿಲಾಷೆಯ ಪೂರ್ತಿಸಿದೀ ।
ಪೋಷಿಸೆನ್ನ ಕರುಣಾ
ಸಮುದ್ರ ಭವ ।
ಕ್ಲೇಶವ ಕಳೆಯೋ ಗಿ-
ರೀಶ ಮುಖವಿನುತ ।। ಚರಣ ।।
ಭೀತರನು ಪೊರವೀ ಭಜಕರ ।
ಪಾತಕವನು ಕಳಿವೀ ।
ಖ್ಯಾತ ಕಾರ್ಪರ
ಕ್ಷೇತ್ರದಿ ನರಮೃಗ ।
ನಾಥನ ಪರಮ
ಪ್ರೀತಿ ಪಡೆದಿಹ ।। ಚರಣ ।।
***
ರಾಗ : ಸುರಟಿ ತಾಳ : ಆದಿ (raga tala may differ in audio)
