..
ನೋಡಲೆ ಮಾನವ ಶ್ರೀಗುರುಚರಣವ
ಮಾಡುತ ಪೂಜೆಯ ತೋಷದಲಿ ಪ
ಬೇಡುತ ನಿಜಸುಖ ಆಜ್ಞಾಚಕ್ರದೊ
ಳಾಡುತ ಪರಮನೆ ನೀನಾಗಿ ಅ.ಪ
ಸತ್ತು ಹುಟ್ಟಿ ಈ ಪೋಗುವದೇಹವ
ನಿತ್ಯವು ಎನ್ನುತ ಪೋಷಿಸದೆ
ಸತ್ಯಪ್ರಬಂಧವ ಶ್ರೀಹರಿಪಾದವ
ನೆತ್ತಿಲಿ ಪೊತ್ತರ ಮಗನಾಗಿ 1
ಚಿತ್ತವ ಚಲಿಸದೆಸಿದ್ದಾಪುರದೊಳ
ಗಿತ್ತರೆ ಬಂಧುರಸಿದ್ಧಿಗಳೂ
ಅರ್ಥಿಯಿಂದ ಬಂದೊದಗುವ ಫಲಗಳ
ವ್ಯರ್ಥವ ಮಾಡದೆ ಶೀಘ್ರದಲಿ 2
ಹರಿಯಜ ರುದ್ರರು ಈಶ ಸದಾಶಿವ
ಪರತರಮೂರ್ತಿಯ ಧ್ಯಾನಿಸುತ
ಗುರುವನೆ ಯಜಿಸುತ ಭಜಿಸುತ ಸರ್ವರು
ಗುರುವೇಯಾಗಿಹ ತೆರದಲ್ಲಿ 3
ತತ್ವಮಸಿಯ ಬೋಧಾಮೃತ ಸೇವಿಸಿ
ಮೃತ್ಯುವ ಜೇಸುತ ಧೈರ್ಯದಲಿ
ಪೃಥ್ವಿಯೊಳೀಮಹದೇವನಪುರದೊಳು
ಭಕ್ತರ ಪೊರೆಯುವ ದೊರೆಯನ್ನೆ 4
***
****
