ಬಾರೋ ಬಾರೊ ಬಾರೊ ಶ್ರೀಹರಿ ಭಕ್ತರಾಧಾರಿ ankita lakshmikanta

 ..

kruti by ಲಕ್ಷ್ಮೀನಾರಯಣರಾಯರು Lakshminarayanaru 

ಬಾರೊ ಬಾರೊ ಬಾರೊ ಶ್ರೀಹರಿ ಭಕ್ತರಾಧಾರಿ ಪ

ನಿಗಮವನ್ನು ಅಜಗಿತ್ತೆ

ನಗವ ಬೆನ್ನಲಿ ಪೊತ್ತೆ

ನೆಗಹಿ ಧರಣಿಯನು ಇತ್ತೆ

ಮಗುವ ಪೊರೆದೆ ಸುಗುಣ ಹರಿಯೆ 1

ಪದದಿ ಗಂಗೆಯನ್ನು ಪಡೆದೆ

ಬುಧರಿಗೊಲಿದು ಕೊಡಲಿ ಪಿಡಿದೆ

ಸುದತಿ ನೆವದಿ ಖಳರ ಬಡಿದೆ

ಒದಗಿ ಅಕ್ಷಯವಿತ್ತೆ ಹರಿಯೆ 2

ದುರಳ ತ್ರಿಪುರರನ್ನು ಗೆಲಿದೆ

ಭರದಿ ಯವನ ಬಲವ ಮುರಿದೆ

ಗರುಡಾಚಲದಿ ನಿಂತು ಭಕ್ತರ

ಪೊರೆವ ಲಕ್ಷ್ಮೀಕಾಂತ ಹರಿಯೆ 3

***