ಗುರುರಾಘವೇಂದ್ರ ನೀ ಕರುಣಿಸಿ ನೋಡಬಾರದೆ ankita raghunatha vittala

ಕಲ್ಲೂರು ತಮ್ಮಣ್ಣ ದಾಸರ ಕೃತಿ

 ಗುರುರಾಘವೇಂದ್ರ ನೀ ಕರುಣಿಸಿ ನೋಡಬಾರದೆ l 

ಮೊರೆ ಯಾರಿಗಿಡಲ್ಯೋ ನಾ ಕರುಣಾಶರಧೆ ll ಪ ll

ಸ್ಮರಿಸಿದವರ ಪೊರೆವೆನೆಂದು ನಿನ್ನ ಬಿರಿದೆ l

ವರ ಶರಣ ಕಲ್ಪತರುವೆ 

ಯೆನ್ನ ಯಾಕೆ ಮರದೆ ll ೧ ll

ಕರಮುಗಿದು ನಮಿಸಿ ನಿನಗೆ ಬಾಯಿ ತೆರೆದೆ ಇದು l

ಸರಿಯೆ ನಿನ್ನ ಮನಸು ಲೇಶವಾದರು ಮರುಗದೆ ll ೨ ll

ನಿರುತ ಎನ್ನ ಅವಗುಣಗಳನ್ನು ಮನಕೆ ತಾರದೆ ಬಂದು l

ಪೊರೆವ ರಘುನಾಥವಿಟ್ಠಲ ಕೃಪೆಯು ಬಾರದೆ ll ೩ ll

***