ವೈಶ್ವದೇವೆಂಬುದು ಇದೇ ನೋಡಿ ankita mahipati

kaapi ರಾಗ ತೀನ್ ತಾಳ

ವೈಶ್ವದೇವೆಂಬುದು ಇದೇ ನೋಡಿ
ಶ್ವಾಸೋಚ್ಛಾಸವೆಂಬುದು ಪುಟಮಾಡಿ ||ಧ್ರುವ||

ಬ್ರಹ್ಮಜ್ಞಾನವೆಂಬುದು ಕುಂಡಮಾಡಿ
ಕರ್ಮಕಾಷ್ಠದಗ್ನಿ ಪುಟಗೂಡಿ
ನಾಮ ದಿವ್ಯ ನೆನಹು ತಾ ಊದಿಬಿಡಿ
ಕಾಮಕ್ರೋಧವೆಂಬ ಧೂಮ್ರ ಹೋಗಾಡಿ ||೧||

ಜ್ಞಾನವೈರಾಗ್ಯೆಂಬುದು ಅಗ್ನಿ , ನಾ-
ನೀನೆಂಬುದು ಆಹುತಿ ಪೂರ್ಣ ನೀಡಿ
ಭಿನ್ನ ಭೇದ ಭೂತಬಲಿ ಮಾಡಿ
ಮನಮೈಲಿಗೆ ತೊಳೆದು ಶುದ್ಧಮಾಡಿ ||೨||

ವೈಶ್ವದೇವ ಮಹಿಪತಿಗಿದೇ ನೋಡಿ
ವಿಶ್ವದೊಳಿದೇ ನಿಜ ನಿತ್ಯ ಮಾಡಿ
ಹಸನಾದ ಸತ್ಕರ್ಮ ಇದೇ ನೋಡಿ
ಲೇಸು ಲೇಸಾಯಿತು ಪುಣ್ಯಗೂಡಿ ||೩||
*********