ಎಂಥಾ ಬಲವಂತನೋ ಭಾರತೀಕಾಂತಾ ಎಂಥಾ ದಯವಂತನೋ ankita gurujagannatha vittala

 ..

ಎಂಥಾ ಬಲವಂತನೋ ಭಾರತೀಕಾಂತಾ

ಎಂಥಾ ದಯವಂತನೋ ಪ

ಎಂಥ ಮಹಬಲವಂತ ಬಹುಗುಣ -

ವಂತ ಸರ್ವದಾನಂತಚೇತನ

ರಂತರಾದೋಳ್ನಿಂತು ಪ್ರೇರಿಪ

ನಂತು ಮಹಿಮೆಯ ಅಂತು ತಿಳಿಯದೊ ಅ.ಪ

ವೀರರಾಘವನಂಘ್ರಿಯ ಭಜಿಸಿ ಕಪಿ -

ವೀರನಾದನು ಮಹರಾಯಾ

ವಾರಿಧಿಯಾಗಾಧತೋಯ ಲಂಘಿಸಿ ಲಂಕಾ

ಸಾರಿ ಪೇಳಿದ ವಾರ್ತೆಯ

ವೀರ ವನವನಂಗಾರಮುಖಕೆ ಇತ್ತು

ವೀರಾಕ್ಷನೆನಿಪ ಕುಮಾರನ ದಂಡಿಸಿ

ಸಾರಿ ಉಂಗುರವಿತ್ತು ಮತ್ತೆ

ಹಾರಿ ವಾರಿಧಿ ವಾನÀರೇಶನು

ತೋರಿ ರಾಮನ ಪದಕೆ ನಮಿಸಿ

ಚಾರು ರಾಗಟೆ ಇತ್ತ ತ್ವರದಿ 1

ದುರುಳ ದುಶ್ಯಾಸನನೂ ಕೋಪದಿ ತಾ

ತರುಳೆ ದ್ರೌಪದಿಯನ್ನು

ಶರಗು ಪಿಡಿದು ಶಳದಾನು ಕರಿಯಲು ಬ್ಯಾಗ

ಹರಿ ತಾನಂಬರವಿತ್ತನು

ಧುರದಿ ಭೀಮನು ನಿನ್ನ ತರಿದರಕ್ತದಿ ತಾನು

ಬೆರೆಸಿ ಕೇಶವ ಕಟ್ಟಿ ಕರುಳ ದಂಡೆಯನಿಟ್ಟು

ಮೇರೆವೆ ಕೇಳೆಲೋ ದುರುಳನೆಂದಾ -

ತರುಣಿವಚನವ ಸ್ಥಿರವ ಮಾಡಿದ

ಧರಿಯತಳದಲಿ ಸರಿಯುಗಾಣೆನೊ

ವgವÀೃಕೋದರ ಪರಮ ಕರುಣಿಯೆ 2

ಭೂತೇಶ ಸರ್ವೋತ್ತುಮಾನೆಂಬುವೊ ಮಹಾ -

ಪಾತಕಿ ಜನಮಾತನೇಮ

ಈತ ಮಾಡಿದ ನಿರ್ಧೂಮ ಹರಿಗೆ ಶಿವ

ದೂತಜನರಿಗುತ್ತುಮ

ಭೂತಳದಲಿ ತಾನೆ ಜಾತನಾಗಿ ಮಧ್ವ

ಖ್ಯಾತಿ ಮಾಡಿದ ಜೀವಜಾತಿ ಪ್ರೇರಕನಾಗಿ

ಶ್ವೇತವಾಹನ ದೂತನಾಗಿಹ

ನಾಥ ಗುರು ಜಗನ್ನಾಥವಿಠಲ

ಧಾತನಾಂಡಕೆನಾಥ, ನಿರ್ಜರÀ

ನಾಥರೆಲ್ಲರೂ ದೂತರೆಂದರು 3

***