some lyrics differ
look same/similar song under neleyadikeshava ankita
ಸಾಕು ಸಾಕಿನ್ನು ಸಂಸಾರ ಸುಖವು||ಪ||
ಶ್ರೀಕಾಂತ ನೀನೊಲಿದು ಕರುಣಿಸೈ ಹರಿಯೆ ||ಅ.ಪ||
ಉದಿಸಿದವು ಪಂಚ ಭೂತಗಳಿಂದ ಓಷಧಿಗ-
ಳುದಿಸಿದವು ಓಷಧಗಳಿಂದನ್ನವು
ಉದಿಸಿದವು ಅನ್ನದಿಂ ಶುಕ್ಲ ಶೋಣಿತವೆರಡು
ಉದಿಸಿದವು ಸತಿಪುರುಷರೀರ್ವರೊಳು ಹರಿಯೆ
ಸತಿಪುರುಷರೊಂದಾಗಿ ರತಿಕ್ರೀಡೆಗಳ ಮಾಡೆ
ಪತನವಾದಿಂದ್ರಿಯವೆ ಹೊಲೆ ರಕ್ತವು
ಋತುಕಾಲದೊಳಗೆರಡು ಏಕತ್ರ ಸಂಧಿಸಲು
ಗತಿಸಿದುದು ಮಾಸವೊಂದೀರ್ವರೊಳು ಹರಿಯೆ
ಮಾಸವೆರಡಲಿ ಶಿರ ಮಾಸ ಮೂರರೊಳಂಗ
ಮಾಸ ನಾಲ್ಕರಲಿ ಚರ್ಮದ ಹೊದ್ದಿಕೆ
ಮಾಸವೈದಾರಲಿ ನಖ ರೋಮ ನವರಂಧ್ರ
ಮಾಸವೇಳರಲಿ ಹಸಿವು ತೃಷೆ ಹರಿಯೆ
ತಿಂಗಳೆಂಟರಲಿ ಪೂರ್ವಾನುಭವ ಕರ್ಮಗಳು
ಅಂಗವೆಲ್ಲವ ತಿಳಿದು ಅರಿಕೆಯಿಂದ
ಅಂಗನೆಯುದರಕಿನ್ನೆಂದಿಗೂ ಬಾರೆನೆಂದು
ಹಿಂಗದಲೆ ಧ್ಯಾನಿಸುತ ಕಳೆದೆನೊ ದಿನವ
ಇನಿತು ನವಮಾಸ ಮಲಮೂತ್ರದಾ ಗರ್ಭದಲಿ
ಸಿಲುಕಿರಲು ನರಕದಾಯಾಸದೊಳಗೆ
ಘನಮರುತ ಯೋಗದಿಂ ನರಳುತಿಲ್ಲಿಗೆ ಬಂದು
ಜನಿಸಿ ಮೃತಭಾವದಿಂ ನೊಂದೆನೈ ಹರಿಯೆ
ಧರೆಯ ಮೇಲುದಿಸಿ ಶ್ರೀ ವಿಷ್ಣು ಮಾಯಕೆ ಸಿಲುಕಿ
ಪರವಶದಿ ಹಸಿದು ನೀರಡಿಸಿ ಬೇಗ
ಭರದಿ ಕಣ್ದೆರೆದು ಗೋಳಿಟ್ಟು ಪ್ರಪಂಚವಿದು
ಸ್ಥಿರವೆಂದು ನಂಬಿ ನಾ ಮರುಳಾದೆ ಹರಿಯೆ
ಶಿಶುತನದೊಳಿರಲು ನೊಣ ಮುಸುಕಲದರಿಂದಳಲು
ಹಸಿದನಿವನೆಂದು ಸ್ತನ್ಯವ ಕೊಡುವರು
ಹಸಿ ತೃಷೆಗಳಿಂದಳಲು ಹಾಡಿ ತೂಗುತಲಿಹರು
ಪಶುವಂತೆ ಶಿಶುತನದೊಳಿರಲಾರೆ ಕೃಷ್ಣ
ಬಾಲ್ಯದಲಿ ಕೆಲವು ದಿನ ಬರಿದೆ ಹೋಯಿತು ಹೊತ್ತು
ಮೇಲೆ ಗೋಳಿಟ್ಟು ವಿದ್ಯೆಗಳ ಕಲಿತು
ಮೇಲೆ ಯೌವನ ಬರಲು ತನುಮೂಲವನು ಮರೆತು
ಬಾಲೆಯರ ಬಯಸಿ ನಾ ಮರುಳಾದೆ ಹರಿಯೆ
ಜ್ವರದ ಮೇಲತಿಸಾರ ಬಂದೊದಗುವಂದದಲಿ
ನಿರತ ಕಾಮ ಕ್ರೋಧ ವಿಷಯಂಗಳಲ್ಲಿ
ತರುಣಿಯರಿಗೊಡವೆ ಭಂಗಾರ ಬೇಕೆಂದೆನುತ
ಪರಸೇವೆಯೊಳು ನಾ ಕಡು ನೊಂದೆನಯ್ಯ
ದಿಟ್ಟತನದಲಿ ಗಳಿಸಿ ತರುವಾಗ, ಸತಿಸುತರು
ಕಟ್ಟಿ ಕೊಂಡಿಹರು, ತನುವು ಬಿಟ್ಟ ಬಳಿಕ
ಕುಟ್ಟಿಕೊಂಡಳುತ ಹೋಯೆಂದು ಗೋಳಿಡುತಂಜಿ
ಮುಟ್ಟದೆ ದೂರದಲಿ ನಿಂದಿಹರು ಹರಿಯೆ
ಸತ್ತವರಿಗಳಲೇಕೆ ಸುತ್ತ ಬಂಧುಗಳೆಲ್ಲ
ಸ್ವಸ್ಥವಿರಿ ಹೊತ್ತು ಹೋಯಿತು ಎನುತಲಿ
ಒತ್ತಿಸಿದ ಕಸಕಿಂತ ಅತ್ತತ್ತ ಈ ದೇಹ
ಹೊತ್ತು ಕೊಂಡೊಯ್ದು ಅಗ್ನಿಯಲಿ ಬಿಸುಡುವರು
ದೇವನೇ ನಾನಿನ್ನು ಯೋನಿ ಮಾರ್ಗದ ಒಳಗೆ
ಈ ವಿಧದಿ ಭವಣೆ ಬಡಲಾರೆ ಬಹಳ
ಕಾವ ಕಾರುಣಿಯೆ ನಮ್ಮ ಪುರಂದರವಿಠಲನೆ
ಭಾವ ಭಕುತಿಯ ಕೊಟ್ಟು ರಕ್ಷಿಸೋ ಹರಿಯೆ
***
ರಾಗ ಮುಖಾರಿ ಝಂಪೆ ತಾಳ (raga tala may differ in audio)
pallavi
sAku sAkinnu samsAra sukhavu
anupallavi
shrIkAnta nInolidu karuNisai hariye
caraNam 1
udisidavu panca bhUtagaLinda OsadhigaLudisidavu OsadagaLindannavu
udisidavu annadim shukla shONidaveraDu udisidavu sati puruSarIrvaroLu hariye
caraNam 2
sati puruSarondAgi rati krIDegaLa mADe patanavAdindariyave hole raktavu
rtu kAladoLageraDu Ekatra sandhisalu gatisidudu mAsavondIrvaroLu hariye
caraNam 3
mAsaveraDali shira mAsa mUraroLanga mAsa nAlgarali carmada hoddike
mAsavaidArali nakha rOma navarandhara mAsavELarali hasivu trSe hariye
caraNam 4
tingaLeraNDali pUrvAnubhava karmagaLu angavellava tiLidu arikeyida
anganeyudharakinnendigU barenendu hingadale dhyAnisuta kaLEdeno dinava
caraNam 5
inidu navamAsa malamUtradA garbadali silukiralu narakadAyAsadoLage
ghanamaruda yOgadim naraLutillige bandu janisi mrtabhAvadim nondenai hariye
caraNam 6
dhareya mEludisi shrI viSNu mAyake siluki paravashadi hasidu nIraDisi bEga
bharadi kaN teredu goLiTTu prapancavidu sthiravendu nambi nA maruLAde hariye
caraNam 7
shishu tanadoLiralu noNa musukaladarindaLalu hasidaninanendu stanyava koDuvaru
hasi trSegaLindaLalu hADi tUgutaliharu pashuvante shishutanadoLiralAre krSNa
caraNam 8
bAlyadali kelavu dina baride hOyidu hottu mEle kELiTTu vidyegaLa kalitu
mEle yauvana baralu tanumUlavanu maredu bAleyara bayasi nA maruLAde hariye
caraNam 9
jvarada mElatisAra bandodaguvandadali nirata kAma krOdha viSayangaLalli
taruNiyarikoDave bhangAra bEkendenuta para sEveyoLu nA kaDu nondenayya
caraNam 10
diTTatanadali gaLisi taruvAga satisutaru kaTTi koNDiharu tanu biTTu baLika
kuTTI koNDaLuta hOyendu kELiDutanji muTTade dUradali nindiharu hariye
caraNam 11
sattavarigaLalEke sutta bandhugaLella svasthaviri hottu hOyitu enutali
ottisida kasakinta attatta I dEha hottu koNDoidu agniyali bisuDuvaru
1
caraNam 2
dEvanE nAninnu yOni mArgada oLage I vidhadi bhavaNe baDalAre bahaLa
kAva kAruNiye namma purandara viTTalane bhAva bhakutiya koTTu rakSisO hariye
***
