kruti by ವರದೇಶ ವಿಠಲರು varadesha vittala dasaru
ಲಕ್ಷ್ಮೀದೇವಿಯ ಸ್ತೋತ್ರ
ಭಾಗ್ಯವೆ ಪಾಲಿಸೆನ್ನಗೆ ಶ್ರೀ ಭಾರ್ಗವಿ ಜನನಿ ಪ
ಭಾಗ್ಯವೆ ಪಾಲಿಸು ಭಾರ್ಗವಿ, ಕಮಲಜ
ಭಾರ್ಗಾದ್ಯನಿಮಿಷ ವರ್ಗಸೇವಿತೆ ಅ.ಪ
ಹರಿಸರ್ವೋತ್ತಮ ಗುರುಸುಖತೀರ್ಥರು
ಹರಫಣಿ ವಿಪಶಕ್ರಾದಿಗಳು
ತರತಮ ಭೇದ ಮೂರೆರಡು ಸತ್ಯ ವೆಂ -
ದರಿತು ಮನದಿ ಬಲು ಹರುಷ ಬಡುತಲಿಹ 1
ಕಾಮಕ್ರೋಧಗಳ ಗೆಲಿದು ಸತತನಿ -
ಷ್ಕಾಮ ಭಕ್ತಿಯಲಿ ಮನವುಬ್ಬಿ
ರಾಮ ರಾಮ ಎಂದ್ ಪ್ರೇಮದಿ ಪಾಡುತ
ರೋಮಾಂಚಿತ ತನುವಿಲಿನರ್ತಿಪ ಸೌ 2
ದುರ್ಜನ ಸಂಗ ವಿವರ್ಜಿಸಿ ನಿರುತದಿ
ಸಜ್ಜನಸಂಗಸುಖವ ಬಯಸಿ
ಅರ್ಜುನಸಖನ ಪದಾಬ್ಜಧ್ಯಾನ ದೊಳು
ಗರ್ಜಿಸುತಲಿ ನಿರ್ಲಜ್ಜನೆನಿಪ ಸೌ 3
ನಾನುನನ್ನದೆಂಬೊಹೀನ ಮತಿಯ ಕಳೆ -
ದೆನು ಮಾಡುತಿಹಕರ್ಮಗಳ
ಶ್ರೀನಿವಾಸನ ಪ್ರೇರಣೆ ಎಂದು ಸ -
ದಾನುರಾಗದಲಿ ಅರ್ಪಿಸುತಿಹ ಸೌ 4
ಸೂಸುವ ಭಕ್ತಿ ವಿರಕ್ತಿ ಜ್ಞಾನಧನ
ರಾಶಿಯ ಕೋಟ್ಟೀಭವಸುಖದ
ಆಶೆಬಿಡಿಸಿ ವರದೇಶ ವಿಠಲನ
ದಾಸರ ದಾಸರ ದಾಸ ನೆನಿಪ ಸೌ 5
***
