by ಗುರುತಂದೆಗೋಪಾಲವಿಠಲ
ರಾಗ: ಪೂರ್ವಿ ತಾಳ: ಆದಿ
ಕಂಡೆನೋಡೆ ಇಂದು ರಾಘವೇಂದ್ರರಾಯರ
ಕಂಡೆನೋಡೆ ಇಂದು ರಾಘವೇಂದ್ರರಾಯರ ಪದ-
ಪುಂಡರಿಕದಲಿ ಬಂಡುಣಿಗನಾಗಿ ನಿನ್ನ ಪ.
ಕಠಿಣ ದೆಶೆಯಲಿ ಪಟುತರ ಜ್ಞಾನದಿಂ
ಚಟಚಟನೆ ಛೇದಿಸಿ ತಟಿತದಿ ತೋರ್ದನ 1
ಬಂಧು ನೀನೆಂದು ತಮ್ಮಸಂದರುಶನವಿತ್ತು
ಕಂದಜನಿಸುವನೆಂ ಛಂದದಿ ಫಲಕೊಡುವ 2
ಏಸುಜನ್ಮದಪುಣ್ಯದೀಸುಖವೊದಗಿತೊ
ಈ ಸಮಯದಲಿ ತನ್ನ ದಾಸನ್ನ ಮಾಡಿದವರ 3
ಮಂಡಲದೊಳಗೆ ಬಹು ಪಂಡಿತಾಗ್ರಣಿಯೆನಿಸಲು-
ದ್ದಂಡವಾದಿಗಳ ವಾಕುಖಂಡಿಸಿ ಮೆರೆವರ 4
ಸಿಂಧುಶಯನ ಗುರುತಂದೆಗೋಪಾಲವಿಠಲ
ದ್ವಂದ್ವ ಚರಣದಲಿ ವಂದಿಸಿ ತುತಿಸುವರ 5
***
