ಶ್ರೀ ತಂದೆ ಮುದ್ದು ಮೋಹನದಾಸರು ಬಾಗೇಪಲ್ಲಿ ಶ್ರೀ ಶೇಷದಾಸರಿಗೆ ವಿದ್ಯುಕ್ತವಾಗಿ " ಪ್ರಾಣಪತಿವಿಠಲ " ಎಂದು ಅಂಕಿತೋಪದೇಶ ಮಾಡಿ ಅವರನ್ನು ತಮ್ಮ ಪ್ರಪ್ರಥಮ ಶಿಷ್ಯರನ್ನಾಗಿ ಸ್ವೀಕಾರ ಮಾಡಿದರು.
ಅಂಕಿತ ಪದ....
ರಾಗ : ಕಾಂಬೋಧಿ ತಾಳ : ಝಂಪೆ
ಪ್ರಾಣಪತಿವಿಠಲ -
ಸಲಹೋ ಇವನಾ ।। ಪಲ್ಲವಿ ।।
ಮಾನಾಭಿಮಾನಕೆ -
ಒಡೆಯನೆಂದೆನಿಸಿ ಸಿರಿ ।। ಅ. ಪ ।।
ಮಾಡಬಾರದ ಕಾರ್ಯ -
ಮಾಡಿ ಇದ್ದರೂ ಇವನ ।
ರೂಢಿಯೊಳಗೆ ಕೈ-
ಬಿಡದೆ ಸಲಹಬೇಕೋ ।
ಕಾಡಬ್ಯಾಡಿವನನ್ನು
ಒಡೆಯ ಸಿರಿ ನರಹರಿಯೇ ।
ಜೋಡಿಸಿ ಕರಗಳನು
ಬೇಡಿಕೊಂಬುವೆ ನಿನಗೆ ।। ಚರಣ ।।
ಹರಿ ಗುರುಗಳಲಿ ಸದ್ಭಕ್ತಿ
ಹಿರಿದಾಗಿ ಇರಲೆಂದು ।
ಹರಿಸಬೇಕಿವನ ನೀ
ಹರುಷದಿಂದ ।
ಸಿರಿಯರಸ
ಭರದಿಂದ ಮಾಡಲು ।
ಕರುಣವಾರಿಧಿ ಯೆಂಬ ನುಡಿ-
ಸಿದ್ಧವಾಗುವುದೋ ।। ಚರಣ ।।
ಹೀಗೆಂದು ಪ್ರಾರ್ಥಿಸುವೆ -
ಭೋಗಿಶಯನನೆ ನಿನಗೆ ।
ಬಾಗಿ ಕರಗಳು
ಮುಗಿವೆ ಭಾಗ್ಯ ಪುರುಷಾ ।
ಯೋಗಿ ವಂದಿತ ತಂದೆ -
ಮುದ್ದುಮೋಹನವಿಠಲ ।
ಜಾಗು ಮಾಡದೆ ಇವನ -
ಕರುಣಿಸೋ ಸ್ವಾಮೀ ।। ಚರಣ ।।
****
