ಧನ್ಯನಾದೆ ಪಾವನ್ನ ಮೂರುತಿ ನಿನ್ನ ಕಂಡು ankita mohana vittala

 ರಾಗ - : ತಾಳ -

ಧನ್ಯನಾದೆ ಪಾವನ್ನ ಮೂರುತಿ ನಿನ್ನ ಕಂಡು ll ಪ ll

ಯೆನ್ನ ಜನ್ಮಜನ್ಮಾಂತರದ ಅಘ l

ಯಿನ್ನಿರದ ತೆರ ದೂರವಾದವು ll ಅ ಪ ll

ಯೇಸು ಜನುಮದ ಪುಣ್ಯ ಅರಿಯೆ l

ವಾಸುದೇವ ನೀ ಮೂಲ ರೂಪದಿ ll

ಈ ಸಮಯ ಕಣ್ಮುಂದೆ ಸುಳಿಯಲು l

ಹಸೆಗೆಟ್ಹೋಯಿತನಾದಿ ಕರ್ಮವು ll ೧ ll

ಜಗವನುದರದೊಳಿಟ್ಟು ಪ್ರಳಯದೆ l

ಮಗುವಿನಂತೆಲೆ ಮೇಲೆ ಮಲಗಿದೆ ll

ಈಗ ಈ ಪರಿ ಚಟುಲ ರೂಪದೆ l

ಮಿಗೆ ಹರುಷ ಒದಗಿಸಿದೆ ಶ್ರೀನಿಧೆ ll ೨ ll

ಕಂದನಾಟವ ಕಂಡು ಜನನಿ ಮಹ l

ನಂದದಲಿ ಬಂದಪ್ಪುವಂದದಿ ll

ಇಂದಿರೇಶ ಮೋಹನ್ನವಿಟ್ಠಲ ನೀನೀ l

ಮಂದಮತಿಗಾನಂದ ತಂದೆ ll ೩ ll

***