Audio by Vidwan Sumukh Moudgalya
ಶ್ರೀ ವಿಜಯದಾಸಾರ್ಯ ವಿರಚಿತ ಪಂಚತಿರುಪತಿ ಮಹಾತ್ಮೆ ಸುಳಾದಿ
ರಾಗ:ಕೇದಾರಗೌಳ
ಧ್ರುವತಾಳ
ರತಿಪತಿ ಪಿತ ಪಾರ್ವತಿ ಪತಿ ಪಿತನಯ್ಯಾ
ಶ್ರುತಿ ತತಿನುತ ಭಾರತಿ ಪಿತಗತಿ ಪ್ರೀತ
ಸತತ ಮಹಿಮ ಉನ್ನತ ಲೀಲಾ ಅತಿಶಯ
ಮತಿವಂತರಿಗೆ ಸದ್ಗತಿಯಾ ಕೊಡುವ ದೇವ
ಕ್ಷಿತಿಯೊಳ ಪ್ರತಿಕೀರುತಿಯಾ ಮೆರೆವ ಸರ್ವ
ವೃತವ್ರಾತಗಳಿಗೆ ದೂರತನಾಗಿ ಇಪ್ಪನೆ
ಚ್ಯುತದೂತ ಮಿತನಾಮಿತರಾಗತ ಹೃದಯಾ
ಹಿತವಂತ ಪಂಚ ತಿರುಪತಿ ವಾಸಾ ಎನ್ನ ಸಾ-
ರಥಿ ವಿಜಯವಿಠಲಾ ಪತಿತಪಾವನ ದೇವ
ದಿತಿನಂದನರ ತಾಯಿಯುವದಿತಿಸುತನವನ ದಾವಾ ll1ll
ಮಟ್ಟತಾಳ
ಕುಂಭಿಣಿಯನು ತಿರುಗಿ ಕುಂಭಸಂಭವ ಬಂದು
ಸಂಭ್ರಮದಿಂದಲ್ಲೀ ತುಂಬಿದ ಮನದಿಂದೀ
ಇಂಬುನೋಡಲು ಮರಿದುಂಬಿ ಮೃಗದ ಕಾ-
ದಂಬ ವಸಂತದಲಿ ಸಂಭವಿಸಿದಂತೆ
ಬೆಂಬಿಡದಲಾಡಾಲು ಹಂಬಲಿಸಿ ನೋಡಿ
ಅಂಬುನಿಧಿ ಶಯನ ವಿಜಯವಿಠಲನ ಪಾ -
ದಾಂಬುಜವನು ನೆರೆ ನಂಬಿದ ದೃಢವಾಗಿ ll2ll
ತ್ರಿವಿಡಿತಾಳ
ವೈದಿಕತನದಲ್ಲಿ ಐದಾಕಪಕೆ ಮನವೀ
ರೈದರ ಒಡಗೂಡಿ ಮೈದೆಗಿಯಾದಲೆ
ಐದು ಬಳಿಯಾ ಕುಳಿತು ಕೈಮಗುಚಿ
ಜಗದೈಯಾನ್ನ ನೆನದೂ
ದೈನ್ಯಾವೃತ್ತಿಯಲ್ಲಿ ಹೈದರೊಳಿದ್ದ
ಪರ ದೈವ ವಿಜಯವಿಠಲ
ಮೈದೋರಿದನು ಮುನಿಗೆ ಸೈವಾಗಿ ಸಂತತಾ ll3ll
ಅಟ್ಟತಾಳ
ಋಷಿಯ ಮನಕೆ ಹರುಷಾವನ್ನು ತೋರಲು
ನಿಶವನ್ನು ಕಳೆದು ದಿವಸ ನೋಡಿದಂತೆ
ಪಸರಿಸೀತು ಜ್ಞಾನ ಕುಶಲಾದಿಂದಲಿ ಕ-
ಲುಷಹರದ ರೂಪವೆಸದದ್ದು ಅರ್ಥಿಲಿ
ಬಿಸಿಜನಯ್ಯನ ದೇವ ವಿಜಯವಿಠಲ ಪಂಚ
ವಸತಿಯಾದನು ಪಾಲಿಸುತ ಎಲ್ಲರನೂ ll4ll
ಆದಿತಾಳ
ಪಂಚಾಮೃತದ ನದಿಯ ಸ್ನಾನ
ಪಂಚಮೂರುತಿ ದರುಶನ
ಪಂಚರಳಿದು ಮಾಡಿದರೆ
ಹಿಂಚಿನಘ ಪೋಗುವದು
ಪಂಚಭೇದವನ್ನು ತಿಳಿದು
ಮುಂಚ ಸಾಧನಪೂರವಾಗಿ
ಕಾಂಚನ ಮಯದಿಂದ
ಮಿಂಚುವನು ತೇಜಾದಲ್ಲಿ
ಪಂಚರಹಿತ ವಿಜಯವಿಠಲ
ವಂಚನೆ ಇಲ್ಲಾದಂತೆ
ಪಂಚರಾತ್ರಿ ಇಟ್ಟು ವಿ-
ರಂಚಿ ಕೂಡ ಕರಸುವಾ ll5ll
ಜತೆ
ಪಂಚತಿರುಪತಿಯಾತ್ರೆ ಯಥಾರ್ಥದಲಿ ಮಾಡಿ
ಪಾಂಚಜನ್ಯಪಾಣಿ ವಿಜಯವಿಠಲ ಪೊರೆವಾ ll6ll
*******
